तरुण कप क्षेत्र ‘क’ को भलिबल प्रतियोगिताको तयारी पुरा

गण्डकीपत्र डटकम
प्रकाशित मिती: २०८१ फाल्गुन १२, सोमबार ११:२५

नेपाली कांग्रेसको भातृ संस्था नेपाल तरुण दल म्याग्दीको आयोजनामा नेपाल तरुण कप भलिबल प्रतियोगिता क्षेत्र ‘क’ को तयारी पुरा भएको छ । एक कार्यक्रमका बिच ट्रफी सार्वजनिक समेत गरिएको छ ।

म्याग्दी क्षेत्र ‘क’ अन्तर वडा क्षेत्रीय पुरुष भलिबल प्रतियोगिता यही फागुन १४, १५ र १६ गते अन्नपूर्ण गाउँपालिकाको वडा नं. ४ नारच्याङमा हुने प्रतियोगिताको तयारी पुरा भएको तरुण दल म्याग्दीका अध्यक्ष श्री प्रसाद रोकाले जानकारी दिनुभयो । उहाँका अनुसार १४ गते बिहान ८ बजे नै खेल सुरु हुनेछ । रघुगंगा गाउँपालिका, बेनी नगरपालिका र अन्नपूर्ण गाउँपालिकाका २२ टिमले प्रतियोगितामा सहभागीता जनाउने आयोजकले जनाएको छ ।

प्रतियोगितामा प्रथम पुरस्कार रु १ लाख ११ हजार १ एक ११ को प्रायोजन नेपाली कांग्रेस काठमाडौँ सम्र्पक समितिले गरेको छ । त्यस्तै द्धितिय पुरस्कार रु ६६ हजार ६ सय ६६ मालिक गाउँपालिक अमेरिका समन्वय समितिले गरेको तरुण दल म्याग्दीका सचिव सुमन बानियाँले जाकारी दिनुभयो । त्यस्तै जिल्ला पालिका स्तरीय महिला महिला भलिबल प्रतियोगिताको प्रथम पुरस्कार ७७,७७७ पूर्व तरुण दल सदस्य राजेन्द्र केसीले प्रायोजन गरेका छन ।

त्यस्तै द्धितिय पुरस्कार ४४,४४४ ठूलो खोला हाइड्रो पावर चिमखोलाले गरेको छ । साथमा ट्रफी मेडल र प्रमाण पत्र पाउनेछन् । प्रेत्यक साँझ तरुण साँझ समेत आयोजना हुने भएको छ । उक्त प्रतियोगितामा राष्ट्रिय लोकदोहोरी कलाकार रबि कार्कीको प्रस्तुती समेत रहने आयोजकले जनाएको छ । प्रतियोगितामा उत्कृष्ट खेलाडीलाई पाँच हजार र प्रत्येक खेलमा म्यान अफ दि म्याच समेत पाउनेछन् ।