पर्यटकको पर्खाइमा जलजलाको हम्पाल लेक (फोटो फिचर)

राकेश शर्मा
गर्मी सिजन सुरु भएसंगै पर्यटकीय स्थलहरुमा पर्यटकको चहलपह सुरु भएको छ छ । तर म्याग्दी संग सिमाना जोडिएको पर्वतको जलजला गाउँपालिका वार्ड न ६ सालिजा क्षेत्रमा पर्ने हम्पाल क्षेत्र सुनसान जस्तै छ । प्रचुर पर्यटकीय सम्भावना भएपनि यस क्षेत्रमा पूर्वाधार निर्माण नहुदा ओझेलमा परेको छ ।

पर्यटकीय क्षेत्रको सम्भावना रहेपघुम्ने सिजन शुरु भएसंगै आन्तरीक र बाह्य पर्यटकहरुले पर्यटकीय स्थलहरु भरीभराउ हुँदा पर्वतको हम्पाल लेक भने सुनसान जस्तै छ । पर्वत जिल्लाको सवैभन्दा उचाईमा रहेको हम्पाल पर्यटकी सम्भावनायुक्त स्थल हो । जलजला क्षेत्रमा पर्ने उक्त लेकलाई कालाञ्जर पर्वतको नामबाट पनि चिनिन्छ । अग्लो स्थानमा रहेको उक्त लेक धार्मिक र पर्यावरणीय हिसावले निकै महत्वपूर्ण मानिन्छ ।

यो क्षेत्र हिन्दु धर्मावलम्बीहरुको धार्मिक ग्रन्थ रामायणमा कालञ्जर पर्वतको रुपमा ब्याख्या गरिएको पाइन्छ । हनुमानले यही क्षेत्रबाट जडिुवटी लगेर औषधी उपचारमा प्रयोग गरेको धार्मीक ग्रन्थ रामायणमा उल्लेख गरिएको छ ।

विभिन्न पुराणमा वर्णन गरिए पनि ओझेलमा परेको पवित्र कालञ्जर भूमिलाई हिन्दु धर्मावलम्बीहरुको पवित्र तीर्थस्थल र धार्मिक गन्तव्यका रुपमा विकास हुन नसकेको जलजला गाउँपालिका–३ का युवा कुशल जिसीले बताउनुभयो ।

कालाञ्जर पर्वतमा परापूर्व कालमा त्यहाँ पुगेर तपस्या गरेर धेरै ऋषिमुनिले सिद्ध प्राप्त गरेको उल्लेख छ । पद्मपुराणमा महादेव र पार्वतीको क्रिडास्थल, पितृको श्राद्धकर्मका लागि निर्देश गरिएका गंगासागर, ब्रह्मसागर, यमुना, कुरुक्षेत्र, नीलकण्ठ जस्तै कालञ्जर तीर्थलाई पनि उत्तम पितृतीर्थका रूपमा उल्लेख गरिएको पाइन्छ ।

हम्पाल लेकको पहाडको टाकुरामा समथर क्षेत्र, खोला र सिमसार भएको जलजला पर्वत, कास्की र म्याग्दीको सिमा क्षेत्रमा पर्छ । हिउँदमा हिंमपात र वर्षतमा हरियालीसंगै बसन्तको अन्तिमसम्म पनि सेतो र रातो लालीगुराँसले हम्पाल क्षेत्र शुसज्जित हुने गरेको छ । तस्विर कुशल जिसी