म्याग्दी ।
म्याग्दीको बेनी नगरपालिका ५ बगुवाखोलामा रहेको बालजागृति आधारभूत विद्यालयमा आफ्नो स्वा. श्रीमानको सम्झनामा अक्षयकोष स्थापना गरिएको छ ।
Advertisement
बेनपा ६ चुत्रेनीका हिरा कुमारी बानियाँले आफ्नो स्व. श्रीमान भिमबहादुर बानियाँको सम्झनामा एक लाख एक हजार एक सय एघार रुपैयाँको अक्षयकोष स्थापना गरिएको विद्यालयका प्र.अ धनबहादुर क्षत्रीले जानकारी दिनुभयो ।
Advertisement
विद्यालयमा स्व. भिमबहादुर बानियाँ स्मृति कोष स्थापना गरेर त्यहाँबाट आउने ब्याजबाट वार्षिक रुपमा अतिविपन्न, गरिब तथा उत्कृष्ट विद्यार्थीहरुलाई छात्रवृत्ति प्रदान गरिने भएको छ ।मंगलबार विद्यालयमा आयोजित कार्यक्रमका बीच परिवार एकबर्षको पुन्यतिथिको अवसर पारेर परिवारले कोषको रकम विद्यालयका प्रधानाध्यापकलाई हस्तान्तरण गर्नुभयो ।
बौद्धिक अपागंता भएको विद्यार्थीहरुले कक्षा पाँच सम्म अध्ययन गर्ने विद्यालयमा स्थापना भएको कोषले विद्यार्थीहरुलाई अध्ययनमा सहज हुने अपेक्षा गरिएको छ ।
