म्याग्दीको बेनीमा रहेको म्याग्दी बहुमुखी क्याम्पसमा रहेको स्वतन्त्र विद्यार्थी युनियन (स्ववियु)ले आयोजना गरेको प्रथम स्ववियु फोे ए साइड फुटबल प्रतियोगिताको उपाधि एफएसयु सेतोले जितेको छ । प्रतिायोगितामा एफएसयु ग्रिन द्धितीय हुन सफल भयो ।
Advertisement
पहिलो पटक आयोजना गरिएको उक्त प्रतियोगितामा विभिन्न कक्षाबाट १० टिमले सहभागिता जनाएका थिए ।
क्याम्पस सह आयोजक रहेको उक्त प्रतियोगितामा रेजोईज टिम अनुशासित, सिजन भण्डारी उत्कृष्ट खेलाडी, सर्वाधिक गोलकर्ता अनुपम श्रेष्ठ, उत्कृष्ट डिफेन्डर तारामोहन श्रीपाली र ईमर्जिङ खेलाडी बिम्बा क्षेत्री भएको स्ववियु सभापती संगम चोखाल क्षेत्रीले जानकारी दिनुभयो ।
Advertisement
विद्यार्थीलाई पढाई संगै खेलकुद क्षेत्रमा समेत आफ्नो क्षमता प्रस्तुत गर्ने वातावरण मिलोस भनेर फुटबल प्रतियोगिता आयोजना गरिएको सभापती क्षेत्रीले बताउनुभयो ।
प्रथम र दोस्रो हुनेलाई क्रमश नगद रु. १५ हजार र सात हजार सहित ट्रफी, मेडल र प्रमाणपत्र प्रदान गरिएको थियो । म्याग्दी बहुमुखी क्याम्पसका प्रमुख श्रीधर सुवेदी, स्ववीयु सभापति संगम क्षेत्री चोखाल, जिल्ला खेलकुद विकास समितिका सदस्य नगेन्द्र मल्ल, बेनपा ७ का वडा सदस्य सोहन श्रेष्ठ, जिल्ला फुटबल संघका अध्यक्ष कुमार बानिया लगायतले पुरस्कार वितरण गर्नुभएको थियो ।
