काउलेगौडा युवा क्लब घतानको अध्यक्षमा नगेन्द्र बस्नेत चयन

गण्डकीपत्र डटकम
प्रकाशित मिती: २०८२ भाद्र ५, बिहीबार ११:२४

म्याग्दीको बेनी नगरपालिका–९ काउलेगौडा घतानमा रहेको काउलेगौंडा युवा क्लबको अध्यक्षमा नगेन्द्र बस्नेत सर्वसम्मत चयन हुनुभएको छ । बिहिबार भएको अधिवेशनमा बस्नेतको अध्यक्षमा नयाँ कार्य समिति चयन भएको हो ।

समितको उपाध्यक्षमा पुजन चोखाल, सचिवमा बिशाल खत्री, कोषाध्यक्षमा नारायण बस्नेत, सह सचिवमा कुशल खत्री चयन हुनुभएको छ । त्यस्तै गरी सदस्यहरुमा मन्जिल खत्री, सुजन चोखाल, सन्तोषी बस्नेत र बिनोद बस्नेत चयन हुनुभएको क्लबका संस्थापक अध्यक्ष तेजेन्द्र बानियाँले जानकारी दिनुभयो ।

अध्यक्ष बस्नेतले आफुले अलपत्र खेलमैदान लाई व्यवस्थित गर्ने, भलिबल प्रशिक्षण र कराते खेलको प्रशिक्षण जस्ता कार्यक्रमहरु संचालन गर्ने बताउनुभयो । उहाँले क्लबलाई मानविय तथा सामाजिक कार्यमा अग्रसर बनाउदै गाउँका युवाहरुलाई एकजुट बनाएर काम गर्ने बताउनुभयो ।

जिल्लाको भलिबल खेलमा आफ्नो पकट बनाएको यस क्लबले सामाजिक संगै समाजमा सकारात्क का मगर्दै आएको छ । कार्यक्रमा क्लबका निवर्तमान अध्यक्ष राजिन पुरीको अध्यक्षतामा सम्पन्न भएको थियो ।