म्याग्दीका व्यवसायीलाई खाद्य सुरक्षा सम्बन्धी तालिम

गण्डकीपत्र डटकम
प्रकाशित मिती: २०८२ पुष ६, आईतवार ०३:१४

म्याग्दीका व्यवसायीलाई खाद्य सुरक्षा सम्बन्धी जानाकारी दिईएको छ । खाद्य प्रविधि तथा गुण नियन्त्रण कार्यालय पोखराको आयोजनामा म्यागदी उद्योग बाणिज्य संघको सभाहलमा आयोजना भएको कार्यक्रममा जिल्लका होटल, रेष्टुरेन्ट, चमेनागृह र होमस्टे ब्यवसायीहरुको उपस्थिती रहेको थियो ।

८० जना ब्यवसायीहरुको सहभागिता रहेको कार्यक्रम म्याग्दी उद्योग वाणिज्य संघ र म्याग्दी होटल तथा रेष्टुरेष्ट व्यवसायी संघको समन्वयमा कार्यक्रम आयोजना गरिएको हो । वरिष्ठ खाद्य अनुसन्धान अधिकृत विजन श्रेष्ठ र खाद्य अनुसन्धान अधिकृत दिपक कुँवरले खाद्य सुरक्षा सम्बन्धी नीतिगत ब्यवस्था र खाद्य सुरक्षा तथा स्वच्छताका मापदण्ड लगायतका विषयमा सहजिकरण गर्नुभएको थियो ।

गुणस्तरीय र स्वच्छ खाद्यान्न उपभोग गर्न पाउने उपभोक्ताको अधिकारका लागि तालिमले सहयोग पुगेको म्याग्दी उद्योग वाणिज्य संघका अध्यक्ष सुविन श्रेष्ठले बताउनुभयो । २०२३ सालको पुरानो खाद्य सुरक्षा ऐन संसोधन भएर २०८१ मा नयाँ ऐन जारी भएको छ ।

नयाँ ऐनमा भएका ब्यवस्थाको विषयमा पनि ब्यवसायीहरुलाई जानकारी गराइएको थियो । नीतिगत ब्यवस्थाका विषयमा ब्यवसायीलाई जानकारी गराएर कानुनी कारबाही भोग्नुपर्ने अवस्था आउन नदिन र उपभोक्ता अधिकारप्रति सचेत बनाउने उद्देश्यले कार्यक्रम गरिएको हो ।