Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८२ फाल्गुन १७
March 1, 2026, Sunday
नेकपा एमालेका म्याग्दीका प्रतिनिधीसभा सदस्यका उमेद्वार हरिकृष्ण श्रेष्ठले आफ्नो प्रमुख प्रतिस्पर्धी नेपाली काँग्रेस भएको बताउनुभएको छ ।
ग्रामिण क्षेत्रका चुनावी कार्यक्रम सकेर आइतबार बेनीमा घरदैलो गर्ने क्रममा एमालेका केन्द्रिय सदस्य समेत रहेका श्रेष्ठले पत्रकारहरुसँग स्वतन्त्र उमेद्वार महाविर पुनको चर्चा सामाजिक सञ्जालमा मात्रै रहेको टिप्पणी गर्नुभयो ।
“राजनीतिक र सांगठनिक हिसाबले प्रमुख प्रतिस्पर्धी नेपाली काँग्रेसनै भएको हाम्रो आन्तरिक सर्वेक्षणले देखाएको छ,” उहाँले भन्नुभयो “महाविरको समाजिक सञ्जालको जस्तो चर्चा फिल्डम छैन । प्रतिस्पर्धा हुने राजनीतिक दलहरुकै हो ।”
महाविरले जितका लागि आवश्यक मत ल्याउन नसक्ने तर्क गर्दै उमेद्वार श्रेष्ठले सुदृढ संगठन, सक्रिय र इमान्दार कार्यकर्तानै आफ्नो जितको आधार भएको तर्क गर्नुभयो । उमेद्वार श्रेष्ठले राष्ट्रिय स्वाधिनता, राष्ट्रियताको रक्षा, स्थिर सरकारका लागि नेकपा एमालेलाई संसदमा बहुमत आवश्यक पर्ने बताउनुभयो ।
घरदैलोका क्रममा म्याग्दीका ग्रामिण क्षेत्रका मतदाताहरुले सडक स्तरोन्नति, रोजगारी, खानेपानी, कृषि उपजको बजारीकरण, अनुकुल नीति बनाएर खानी सञ्चालनको वातावरण बनाउन अपेक्षा गरेका श्रेष्ठले बताउनुभयो ।
मतदाता भेटघाट, चुनावी सभा र घरदैलोका क्रममा मतदाताले गरेका अपेक्षा पुरा गराउन आफू प्रतिवद्ध रहेको श्रेष्ठले बताउनुभयो । कालीपुल बसपार्क क्षेत्रबाट शुरु भएको घरदैलो अभियान बेनी नगरपालिकाको ७ र ८ नम्बर वडामा पर्ने बेनी बजारमा सोमबार पनि निरन्तरता दिने एमालेले जनाएको छ ।
घरदैलोका क्रममा एमालेका समानुपातिक उमेद्वार नरदेवी पुन, जिल्ला अध्यक्ष बालकृष्ण सुवेदी, बेनी नगरपालिकाका प्रमुख सुरत केसी, बेनी नगर कमिटि अध्यक्ष बेलबहादुर कटुवाल लगायतका नेताहरु सहभागी हुनुभएको थियो ।
बेनी, १७ फागुन । यही फागुन २१ गते हुने प्रतिनिधि सभा सदस्य निर्वाचनका लागि नेपाली काँग्रेस म्याग्दीबाट प्रतिनिधीसभा सदस्यका उमेद्वार...
नेपाली कम्युनिष्ट पार्टीका उमेद्वार अर्जुन थापाले म्याग्दीमा निर्माणाधिन र निर्माण सम्पन्न भएका जलविद्युत आयोजनामा प्रभावित क्षेत्रका बासिन्दाको सेयर लगानीको अधिकारलाई...
गण्डकी प्रदेशका मुख्यमन्त्री सुरेन्द्र पाण्डेले गण्डकी प्रदेशबाट म्याग्दीलाई बजेटमा प्राथमिकता दिएको बताउनुभएको छ । निर्वाचन आयोगबाट अनुमती लिएर नेपाली कांग्रेस...
