म्याग्दी जेसीजको २८ औ स्थापना दिवसको अवसर पारेर बेनीमा अन्तर मा.वि जिल्ला स्तरीय लोक नृत्य प्रतियोगिता सम्पन्न भएको छ ।
बेनीको नेपाल भाषा मंका खलको सभाहलमा आयोजना गरिएको प्रतियोगितामा बेनी सामुदायिक मावि बेनीप्रथम भएको छ । दृतिय न्यु वेष्ट पोइन्ट आवासीय बेनी र लिटल गार्डेन एकेडेमी बेनी तृतीय भएका छन् ।
Advertisement
Advertisement
प्रथम भएको बेनी सामुदायिकका कलाकारले ट्रफी, रनिङ कप र प्रमाणपत्र सहित नगद रु. १८ हजार पुरस्कार प्राप्त गरेको छ । दृतीय र तृतीय हुने विद्यालयले ट्रफी र प्रमाणपत्र सहित क्रमश ः नगद रु. १२ हजार र ८ हजार पुरस्कार प्राप्त गरेका छन् । १० वटा विद्यालयले प्रतियोगितामा भाग लिएका म्याग्दी जेसिजका शाखा दिनेश विश्वकर्माले बताउनुभयो ।
सन २००० मा स्थापना भएको म्याग्दी जेसिजले युवाहरुको क्षमता तथा नेतृत्व विकास, प्रतिभा पहिचान, खेलकुदका कार्यक्रम गर्दै आएको छ । २८ औ बार्षिक उत्सव तथा जेसिज सप्ताहक अन्तरर्गत सप्ताहकको अन्तिम दिन जिल्ला स्तरीय लोक नृत्य कार्यक्रम आयोजना गरेको संयोजक डेकमाया केसीले बताउनुभयो । उक्त कार्यक्रमको अवसरमा जेसीज सप्ताह अन्तरर्गत निबन्ध लेखन र वतृत्वकला प्रतियोगिताका विजेतालाई समेत पुरस्कार वितरण गरिएको थियो ।
