दिपायलमा सेती नदी थुनिने खतरा : नदी छेउका बासिन्दालाई सचेत रहन आग्रह

शिखर समाचार
प्रकाशित मिती: २०७९ आश्विन २२, शनिबार २०:०२

Facebook Tweet Like Share LinkedIn Email

पक्की पुल पनि जोखिममा

दिपायल – दिपायलमा सेती नदी थुनिने सम्भावना बढेकोले नदी छेउछाउका बासिन्दाहरुलाई सचेत रहन आग्रह गरिएको छ । दिपायल सिलगढी नगरपालिका – २ पुलबजार नजिक रहेको ठूलो पिपलको रूख नदीले बागए पछि नदी थुनिने जोखिम बढेको हो ।

नदीले पिपलको ठूलो रुख बगाएर पुल भन्दा २० मिटर अगाडि किनार लगाएको छ,’ इलाका प्रहरी कार्यालयका प्रमुख रूप सिंह थापाले भने,’ रुख मानिसले हटाउन सक्ने अवस्था छैन । वर्षौ पुरानो सो रुख पुलमा ठोक्कियो भने नदी थुनिने सम्भावना हुन्छ । त्यसैले सबैलाई सतर्क रहन आग्रह गरेका छौं ।’

बिहीबार देखि लगातार परेको वर्षाका कारण सेती नदीमा पानीको बहाव उच्च रहेको छ । नदीले रुख बगाएसँगै डोटी अछाम, बाजुरा जोड्ने पक्की पुल पनि जोखिममा रहेको छ । रुख पुलमा ठोक्किएको अवस्थामा नदी थुनिनुको साथै पुल बगाउने जोखिम रहेको छ ।