२०८१ जेष्ठ ११
May 24, 2024, Friday

डोटीमा १३ जना चुनावी मैदानमा, कसैले पनि लिएनन् उम्मेदवारी फिर्ता


दिपायल – निर्वाचन आयोगले मनोनयन फिर्ता लिन दिएको समय सकिएको छ । डोटीबाट आइतबार आगामी मंसिर ४ को निर्वाचनका लागि प्रत्यक्षतर्फ १३ जनाको उम्मेदवारी परेको थियो ।

Advertisement

निर्वाचन आयोगले मनोनयन फिर्ता लिन दिएको समय भित्र कुनै पनि उम्मेदवारले उम्मेदवारी फिर्ता लिएका छैनन् । प्रतिनिधि सभाका लागि स्वतन्त्र उम्मेदवारी दिएका डोटी उद्योगवाणिज्य संघका पूर्व अध्यक्ष कांग्रेस नेता नरेन्द्र खड्काको उम्मेदवारी फिर्ता गराउनका लागि गठबन्धनले ठोलो कसरत गरेको थियो । तर खड्काले डोटेली जनताको मागमा अजेण्डामा आफुले उम्मेदवारी दिएको भन्दै उम्मेदवारी फिर्ता लिन मानेन् ।

कुनै पनि उम्मेदवारले उम्मेदवारी फिर्ता नलिए पछि आइतबार दर्ता भएको मनोनयन अनुसार प्रत्यक्षतर्फ प्रतिनिधि सभा तथा प्रदेश सभाका लागि १३ जना चुनावी मैदानमा उभिएका छन् ।

मुख्य निर्वाचन अधिकृतको कार्यालयले दिएको जानकारी अनुसार प्रतिनिधि सभाका लागि र प्रदेशसभाका लागि १३ जनाको उम्मेदवारी परेको हो । जिल्लाको एक मात्र प्रतिनिधि सभा सदस्य सिटमा ६ जनाको उम्मेदवारी परेको छ ।

बर्तमान सत्ता गठबन्धनको तर्फबाट नेकपा (एकिकृत समाजबादी) का पोलिट ब्युरो सदस्य तथा पूर्व मन्त्री प्रेमबहादुर आले मगरले उम्मेदवारी दर्ता गराएका छन् । यस्तै नेकपा एमालेको तर्फबाट पार्टी पोलिट ब्युरो सदस्य तथा संबिधानसभा सदस्य गौरी वलीले उम्मेदवारी दर्ता गरेका छन् ।

रवि लामिछानेको दल राष्ट्रिय स्वतन्त्र पार्टीबाट केशव बलायर, राप्रपाबाट अंकबहादुर खड्काले उम्मेदवारी दिएका छन् । नरेन्द्र बहादुर खड्का र राजप्रासाद जोशीले स्वतन्त्र उम्मेदवारी दिएका छन् ।

प्रदेश सभा (क) को लागि ४ जनाको उम्मेदवारी परेको छ । गठबन्धनको तर्फबाट नेपाली कांग्रेस डोटी जिल्ला सभापति नरेन्द्रबहादुर सिंहले उम्मेदवारी दर्ता गराए । एमालेबाट जिल्ला अध्यक्ष चक्र मल्लले उम्मेदवारी दर्ता गराएका छन् । यस्तै हाम्रो नेपाली पार्टीका शैलेन्द्र खड्का र राष्ट्रिय प्रजातन्त्र पार्टीका नेत्रनाथ योगीले उम्मेदवारी दिएका छन् ।

प्रदेश सभा (ख) को लागी ३ जनाको उम्मेदवारी परेको छ । गठबन्धनको तर्फबाट नेकपा माओवादी केन्द्रका शिवसिंह ओलीले उम्मेदवारी दर्ता गराएका छन् । एमालेबाट टेकबहादुर बमको उम्मेदवारी परेको छ । यस्तै, राप्रपाका मोहनबहादुर बमले पनि उम्मेदवारी दर्ता गराएका छन् ।
उमेदवारी फिर्ता र खारेजीपछि कायम रहेका उमेदवारहरुको अन्तिम नामावली आज दिउँसो १ देखि ३ बजेसम्ममा प्रकाशन गरिने छ । स्वतन्त्र उम्मेदवारलाई आज ४ बजे पछि चुनाव चिन्ह प्राप्त गराइने मुख्य निर्वाचन अधिकृतको कार्यालयले जनाएको छ ।

Related News

हिरोको जुुम स्कुटर बेनीमा, पुुरानोसँग एक्सचेन्जको पनि सुविधा
हिरोको जुुम स्कुटर बेनीमा, पुुरानोसँग एक्सचेन्जको पनि सुविधा
  • २०७९ आश्विन २६, बुधबार १४:०५

हिरो मोटोकर्प कम्पनीको नयाँ इनिङको पहिलो हिट जुम स्कुटर बेनीमा बिक्री शुरु भएको छ । Advertisement हिरो मोटोकर्पको बेनी स्थित...

अन्नपूर्णमा नमुना युवा गाउँ सभा अभ्यास सुरू
अन्नपूर्णमा नमुना युवा गाउँ सभा अभ्यास सुरू
  • २०७९ आश्विन २६, बुधबार १४:०५

म्याग्दीको अन्नपूर्ण गाउँपालिकाको शिक्षा, युवा तथा खेलकुद शाखाद्वारा नमुना युवा संसद कार्यक्रम अन्तर्गत सञ्चालित तिन दिने नमुना युवा संसद अभ्यास...

अन्नपूर्णका व्यवसायीलाई कर सम्बन्धि अभिमुखीकरण
अन्नपूर्णका व्यवसायीलाई कर सम्बन्धि अभिमुखीकरण
  • २०७९ आश्विन २६, बुधबार १४:०५

म्याग्दीको अन्नपूर्ण गाउँपालिकामा कर सम्बन्धी एक दिने अभिमुखीकरण कार्यक्रम सम्पन्न भएको छ । गाउँपालिकाको आयोजनामा पालिकाका जनप्रतिनिधि, पालिका भित्रका होटल...

TOP