२०८१ श्रावण ८
July 23, 2024, Tuesday

एमालेले डडेलधुरा र चितवन–३ मा कसलाई जिताउन चाहन्छ ?

दिपायल- नेकपा एमालेले मङ्सिरमा हुने प्रतिनिधि सभा सदस्य र प्रदेश सभा सदस्य निर्वाचनका लागि चितवन–३ र डडेलधुरामा दिएको उम्मेदवारी फिर्ता लिएको छ । चितवन–३ २०७४ को निर्वाचनमा माओवादी केन्द्रका अध्यक्ष पुष्पकमल दाहाल ‘प्रचण्ड’ निर्वाचित भएको क्षेत्र हो ।

Advertisement

यस पटक भने प्रचण्ड अन्तिम समयमा चितवन–३ छोडेर गोरखा उक्लेका छन् । त्यस्तै डडेलधुरा प्रधानमन्त्री तथा कांग्रेस सभापति शेरबहादुर देउवाको गृह र निर्वाचन क्षेत्र हो । एमालेले डडेलधुराबाट नेता चक्र स्नेही र चितवन ३ बाट रामप्रसाद न्यौपानेलाई उम्मेदवारी दिन लगाएर पनि पछि फिर्ता लिएको हो ।

एमालेको घोषित नीति हो–सत्ता गठबन्धनलाई जसरी पनि हराउने । सोही नीति अनुसार डडेलधुरा र चितवन ३ बाट उम्मेदवारी फिर्ता लिएको एमाले नेता तथा उपमहासचिव समेत रहेका प्रदीप ज्ञवालीको भनाइ छ ।

नेता ज्ञवालीका अनुसार चितवन–३ र डडेलधुराबाट एमालेले उम्मेदवारी फिर्ता गरेपछि ति निर्वाचन क्षेत्रमा अन्य पार्टी र बागी उम्मेदवारलाई सघाउने नीति छ ।

‘चितवन ३ मा कांग्रेसका बागी उम्मेदवार दिनेश कोइरालालाई सघाउने सम्भावना छ । हामी छलफलकै क्रममा भएकाले निर्णय भने भैसकेको छैन’, ज्ञवालीले भने, ‘डडेलधुरामा मल्ललाई सघाउने निश्चित जस्तै छ ।’

चितवन ३ मा कोइराला र जगन्नाथ पौडेलले कांग्रेससँग असन्तुष्टि जनाउँदै स्वतन्त्र उम्मेदवारी दिएका छन् । राप्रपाका विक्रम पाण्डेले पनि चितवन ३ बाटै उम्मेदवारी दिएका छन् । यो क्षेत्रमा सत्ता गठबन्धनले भने माओवादी केन्द्रका डा. भोजराज अधिकारीलाई उम्मेदवार बनाएको छ ।

डडेलधुरामा नेपाली कांग्रेसबाटै केही समय अघिमात्र विद्रोह गरी वीपी कांग्रेसमा लागेका कर्णबहादुर मल्ल प्रधानमन्त्री देउवाका निकटतम प्रतिस्पर्धी मानिन्छन् । मल्ल वीपी कांग्रेसका वरिष्ठ उपसभापति समेत हुन् । डडेलधुरामा देउवा र मल्ल बाहेक जनता समाजवादीबाट श्याम सिनाल तथा राप्रपाबाट गोविन्द खडायत पनि प्रतिनिधि सभा सदस्य पदका लागि प्रतिस्पर्धा गर्दैछन् ।

यी बाहेक चार स्वतन्त्र उम्मेदवारहरू विक्रमबहादुर शाही, सागर ढकाल, कर्णसिंह रावल र लालबहादुर कठायत चुनावी मैदानमा उत्रेका छन् । तर यी मध्ये देउवालाई टक्कर दिन सक्ने मल्ल नै भएकाले एमालेले मल्लालाई सहयोग गरेर देउवालाई हराउने नीति बनाएको हो ।

Related News

पहिलो साउने सोमबार गलेश्वरमा भक्तजनको भिड
पहिलो साउने सोमबार गलेश्वरमा भक्तजनको भिड
  • २०७९ आश्विन २८, शुक्रबार २०:०२

म्याग्दीको बेनी नगरपालिका–९ मा रहेको प्रसिद्ध धार्मिकस्थल गलेश्वरधाममा साउनको पहिलो सोमबार बिहानैदेखि दर्शनार्थीको भीड लागेको छ। गलेश्वर मन्दिरमा दर्शनका लागि...

लोक संगीत चौतारीमा बर पिपल र स्वामी रोपियो
लोक संगीत चौतारीमा बर पिपल र स्वामी रोपियो
  • २०७९ आश्विन २८, शुक्रबार २०:०२

म्याग्दी । म्याग्दीका अग्रज लोक दोहोरी गायक स्व. चक्र प्रसाद बानियाँको स्मृतिमा राष्ट्रिय लोक तथा दोहोरी गीत प्रतिष्ठान म्याग्दीले निर्माण...

बेनी नगरको सार्वजनिक सुनुवाई ः पूँजीगत खर्च ८५ प्रतिशत
बेनी नगरको सार्वजनिक सुनुवाई ः पूँजीगत खर्च ८५ प्रतिशत
  • २०७९ आश्विन २८, शुक्रबार २०:०२

असार ३१ गते । बेनी नगरपालिकाको चालु आर्थिक बर्ष २०८०÷०८१ मा विकास निमार्ण तर्फको पूँजीगत ८४.९९ प्रतिशत बजेट खर्च गरेको...

TOP