Advertisement
- Beni-8 Myagdi Beni Bazar, Myagdi
- gandakipatra78@gmail.com
२०७९ चैत्र १५
March 29, 2023, Wednesday
कैलाली – नेकपा (माओवादी केन्द्र) का केन्द्रीय सदस्य लछिराम आचार्यले कैलाली- ४ बाट प्रतिनिधि सदस्यका उम्मेदवार वीर बहादुर बलायर आफ्नो पार्टी र बाम लोकतान्त्रिक गठबन्धनका साझा उम्मेदवार भएको बताए । गौरीगंगा नगरपालिका – ११ शिवपुरमा आयोजित शुभकामना आदानप्रदान तथा भेटघाट कार्यक्रममा बोल्दै उनले प्रतिनिधि सभाका उम्मेदवार बलायर र प्रदेश (क) का उम्मेदवार दीर्घ बहादुर सोडारी साझा उम्मेदवार रहेकोले विजयी गराउन अपिल गरे ।
देशमा सङ्कट परेको बेला विगत देखिनै राजनीतिक शक्तिहरू एकठाउँमा उभिएर देशलाई संकटबाट जोगाएको र आमूल परिवर्तन ल्याएको केन्द्रीय सदस्य आचार्यले बताए । अहिलेको गठबन्धन देशको आवश्यकता र पूर्व प्रधानमन्त्री केपी शर्मा ओलीकाे प्रतिगमनका विरूद्ध रहेको उनले बताए । ओलीले देश र देशको संविधान नै जोखिममा पारेका कारण देश र संविधान उभ्याउन आन्दोलन स्वरूप गठबन्धन गरेर साझा उम्मेदवार सहित लोकतान्त्रिक गठबन्धन चुनावमा होम्मिएको उनले बताए ।
‘देशमा संकट आउँदा , नेपालका राजनीतिक बाम लोकतान्त्रिक पार्टी एक हुँदै आएका छन् ,’ उनले भने,’ ६२/६३ को जन आन्दोलन जन भावनालाई सम्बोधन गर्न भएको थियो त्यस अघिका जनआन्दोलन र परिवर्तन पनि जनताकै चाहना अनुसार भएका हुन् । देशलाई शान्ति प्रक्रियाबाट अघि बढाउन गणतान्त्रिक व्यवस्था स्थापित गराएर संविधान निर्माणको बाटो हुँदै संघीयता सम्म पुर्याइयो तर पूर्व प्रधानमन्त्रीले शक्तिको दुरुपयोग गरेर देश नै दुर्घटनामा पारे, त्यसैले पनि हामी एक ठाउँमा उभियौं ।’
तत्कालीन प्रधानमन्त्री ओलीले संविधानको रक्षा गर्ने दायित्व भुलेर सांसद विघटन, अदालतमा हस्तक्षेप , संविधान निर्यन्त्रण गर्ने जस्ता हर्कत गर्न थाले पछि त्यसका विरुद्ध आन्द्वालान स्वरूप गठबन्धन भएकोले बाम लोकतान्त्रिक गठबन्धनका उम्मेदवारलाई विजयी गराउन आवश्यक रहेको उनको भनाइ थियो ।
केन्द्रीय सदस्य आचार्यले कैलाली – ४ मा माओवादीबाट उम्मेदवार नभए पनि गठबन्धनका उम्मेदवारलाई आफ्नै उम्मेदवार , पार्टी अध्यक्ष प्रचण्डकै उम्मेदवार सम्झेर बढी जिम्मेवार भएर लाग्न कार्यकर्ताहरुलाई अनुरोध गरे। माओवादीले बोकेको लक्ष, प्रदेशमा माओवादीको नेतृत्वका लागि पनि सबै नेता कार्यकर्ताहरु गठबन्धन प्रति वफादार भएर लाग्नु पर्ने उनले बताए।
FacebookTweetLikeShareLinkedInEmail शिक्षा विकास तथा समन्वय इकाई म्याग्दीले माध्यमिक शिक्षा परीक्षा (एसइई) संचालनमा नियुक्त गरिएका केन्द्राध्यक्षलाई अभिमुखीकरण गरेको छ । Advertisement...
FacebookTweetLikeShareLinkedInEmail दाल, तरकारी र मासुका परिकार स्वादिष्ट र सुगन्धित बनाउने मसला जातको धनियाँको मुठा (साग) बेचेर म्याग्दीका एक व्यक्तिले वार्षिक...
FacebookTweetLikeShareLinkedInEmail पश्चिम म्याग्दीको दरवाङ प्राथमिक स्वास्थ्य केन्द्रमा दुई महिनादेखि ‘एक्सरे मेसिन’ प्रयोगविहीन भएपछि बिरामीलाई सास्ती भएको छ। Advertisement थ्री फेज...
