२०८१ असार ३
June 16, 2024, Sunday

डोटीका १० मतदान केन्द्र अतिसंवेदनशील, ३० केन्द्र संवेदनशील

Advertisement

बोगटान फुड्सिल गाउँपालिका – ३ मेल्टाको भगवतेश्वर माविमा रहेको मतदान केन्द्र


दिपायल – डोटीका १० वटा मतदान केन्द्रलाई अतिसंवेदनशील केन्द्रका रुपमा छुट्ट्याइएको छ । जिल्ला सुरक्षा समितिले जिल्लाका थप ३० वटा मतदान केन्द्रलाई संवेदनशील र १३७ मतदान केन्द्रलाई सामान्य मतदान केन्द्रका रुपमा छुट्याएको हो ।

सुरक्षा तथा विकटताकाको दृष्टिकोणबाट संवेदनशील, अतिसंवेदनशील र सामान्य गरी तीन वटा भागमा केन्द्रहरु छुट्ट्याइएको जिल्ला प्रशासन कार्यालयका प्रशासकीय अधिकृत सूचना अधिकारी दीपा जोशीले बताउनु भयो । मंसिर ४ को निर्वाचनलाई मध्यनजर गर्दै स्थानीय प्रशासनले ती क्षेत्रहरुमा मतगणनाको परिणाम घोषणासम्म विशेष सुरक्षा व्यवस्था लागू गर्ने उहाँले बताउनु भयो ।

जिल्लाको बडीकेदार, बोगटान र जोरायल गाउँपालिकाका केन्द्रहरु अतिसंवेदनशील केन्द्रमा परेको प्रशासकीय अधिकृत जोशीले बताउनु भयो । संवेदनशील र अतिसंवेदनशील क्षेत्रमा विशेष सुरक्षा व्यवस्थाका लागि मोवाइल टोली पनि परिचालन गरिने उहाँले जानकारी दिनु भयो ।

निर्वाचन सुरक्षाका लागि जिल्लामा ५३८ जना नेपाली सेना , ५६५ जना नेपाल प्रहरी, २०५ जना सशस्त्र प्रहरी , ९५३ जना म्यादी प्रहरी र १२ जना अनुसन्धानका गरी दुई हजार २७३ जना सुरक्षाकर्मी परिचालन गरिएको छ । जिल्ला सुरक्षा समितिको टोलीले निर्वाचन क्षेत्र र मतदान केन्द्रको सुरक्षा र अन्य तयारीको अनुगमन गरिरहेको जनाएको छ ।

डोटीमा निर्वाचनका लागि ११५ वटा मतदान स्थल र एक वटा अस्थायी मतदान केन्द्रसहित १७८ वटा मतदान केन्द्र तोकिएको जिल्ला निर्वाचन कार्यालयका निर्वाचन अधिकारी करुणाकर जोशीले बताउनु भयो ।

डोटीमा निर्वाचनका लागि १ हजार चार सय १४ जना कर्मचारी परिचालन गरिएको निर्वाचन अधिकारी जोशीले जानकारी दिनु भयो । जसमा १ सय ७८ जना मतदान अधिकृत, १ सय ७८ जना सहायक मतदान अधिकृत रहेका छन् भने अन्य शिक्षक सहित १ हजार ५ जना खटिएका छन् । ४/४ जना मतदान अधिकृत र सहायक मतदान अधिकृत जगेडाको रूपमा राखिएको छ ।

Related News

सडक आश्रित मानव उद्धारमा सक्रिय सामाजिक विकास कार्यालय म्याग्दी
सडक आश्रित मानव उद्धारमा सक्रिय सामाजिक विकास कार्यालय म्याग्दी
  • २०७९ मंसिर २, शुक्रबार १७:४०

म्याग्दीको सामाजिक विकास कार्यालय म्याग्दीले सडक आश्रित मानवको उद्धारमा सक्रिय भएको छ । बिहिबार पुनः एक भारतीय नागरिकको उद्धार गरेको...

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०७९ मंसिर २, शुक्रबार १७:४०

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०७९ मंसिर २, शुक्रबार १७:४०

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

TOP