डोटीमा ५१.१७ प्रतिशत मत खस्यो, महिला मतदाता धेरै

शिखर समाचार
प्रकाशित मिती: २०७९ मंसिर ४, आईतवार १९:५०

दिपायल – डोटीमा सबै मतदान स्थलमा मतदान प्रक्रिया सकिएको छ। ११५ मतदान स्थल र १७८ मतदान केन्द्र रहेको डोटीमा ५१.१७ प्रतिशत मत खसेको निर्वाचन अधिकारी अरुणाकर पन्तले बताउनु भयो ।

जिल्लाको एउटा मतदान केन्द्रमा विवाद आउँदा हवाई फायर भएपनि अन्य क्षेत्रमा शान्तिपूर्ण रूपमा मतदान सम्पन्न भएको निर्वाचन कार्यालयले जनाएको छ।

जिल्लामा रहेका कुल मतदाता मध्य ५१.१७ प्रतिशत मतदाताले मात्रै मतदाता गर्नु भएको हो। जसमा २७ हजार ४५७ जना पुरुष मतदाता र ३६ हजार ६०१ महिला मतदाताले मतदान गरेको जिल्ला निर्वाचन अधिकारी पन्तले बताउनु भयो । सबै मतदान केन्द्रबाट आजै मतपेटिकाहरु हिँडिसकेको बताउँदै उहाँले सोमबार बिहानसम्म सबै मतपेटिका संकल हुने बताउनु भयो ।

मतपेटिका गणना स्थलमा पुगे लगत्तै सर्वदलीय बैठक राखेर मतगणनाको कार्य अगाडि बढाउने तयारी रहेको मुख्य निर्वाचन अधिकृत शिवलाल पाण्ड्येले बताउनु भयो । ११५ वटा मतदान स्थल र एक वटा अस्थायी मतदान केन्द्रसहित १७८ वटा मतदान केन्द्र रहेको डोटीमा एक लाख २४ हजार ८७० मतदाता रहेका थिए ।

स्थानीय तहको निर्वाचनमा ६३. ८८ प्रतिशत मत खसेको थियो ।