दिपायल- डोटीमा सबै मतदान स्थलबाट मतपेटिका संकलन गरिएको छ। सदरमुकाम देखि टाढाका मतदान स्थलबाट आएका मतपेटिकाहरु बिहान मात्रै मतगणना स्थलमा पुर्याइएको हो ।
मध्यराती र बिहान पुगेका मतपेटिकाहरु बिहान मात्रै बुझेको मुख्य निर्वाचन अधिकृत शिवलाल पाण्ड्येले बताउनु भयो । मतपेटिका गणना सुरु गर्नका लागि आजै ११ बजे सर्वदलीय बैठक बोलाइएको र बैठक पछि गणना सुरु गरिने उहाँले जानकारी दिनु भयो । मुख्य निर्वाचन अधिकृतको कार्यालयमा मतगणना गरिने जनाइएको छ ।
११५ मतदान स्थल र १७८ मतदान केन्द्र रहेको डोटीमा ५१.१७ प्रतिशत मत खसेको निर्वाचन अधिकारी अरुणाकर पन्तले बताउनु भयो । जिल्लाको एउटा मतदान केन्द्रमा विवाद आउँदा हवाई फायर भएपनि अन्य क्षेत्रमा शान्तिपूर्ण रूपमा मतदान सम्पन्न भएको निर्वाचन कार्यालयले जनाएको छ ।
जिल्लामा रहेका कुल मतदाता मध्य ५१.१७ प्रतिशत मतदाताले मात्रै मतदाता गर्नु भएको हो । जसमा २७ हजार ४५७ जना पुरुष मतदाता र ३६ हजार ६०१ महिला मतदाताले मतदान गरेको जिल्ला निर्वाचन अधिकारी पन्तले बताउनु भयो ।
११५ वटा मतदान स्थल र एक वटा अस्थायी मतदान केन्द्रसहित १७८ वटा मतदान केन्द्र रहेको डोटीमा एक लाख २४ हजार ८७० मतदाता रहेका थिए । स्थानीय तहको निर्वाचनमा ६३. ८८ प्रतिशत मत खसेको थियो ।
Advertisement
