दिपायल – डोटी प्रदेश सभा “ख”मा गठबन्धन र एमाले उम्मेदवारबीच कडा प्रतिस्पर्धा भैरहेको छ । सुरुवात देखि झिनो मतले उम्मेदवारहरु अगाडी पछाडी देखिएका छन् ।
यो समाचार तयार गर्दासम्म प्रदेश सभा “ख” तर्फ नेकपा एमालेका उम्मेदवार टेक बमको अग्रता रहेको छ । मुख्य निर्वाचन अधिकृतको कार्यालयले दिएको जानकारी अनुसार १४ हजार २७९ मत गणना गर्दा बमले ६ हजार ५९४ मत प्राप्त गर्नु भएको छ । उहाँका प्रतिद्वन्दी नेकपा (माओवादी केन्द्र) का तर्फबाट गठबन्धनका उम्मेदवार शिवसिंह ओलीले ६ हजार ४८४ मत प्राप्त गर्नु भएको छ । राप्रपाका उम्मेदवार मोहन बहादुर बलमे ४९४ मत प्राप्त गर्नु भएको छ ।
प्रतिनिधि सभा र प्रदेश सभा दुवैको पूर्ण मतपरिणाम आउँन बाँकी छ ।
Advertisement
