अघिअघि मल्ल, पछिपछि सिंह

शिखर समाचार
प्रकाशित मिती: २०७९ मंसिर ७, बुधबार ०६:१५

दिपायल– डोटी प्रदेश सभा “क” मा एमाले जिल्ला अध्यक्ष चक्र मल्ल र कांग्रेस जिल्ला सभापति नरेन्द्र बहादुर सिंह बीच कडा प्रतिस्पर्धा भइरहेको छ । प्रदेश सभा सदस्यका उम्मेदवार मल्लले सुरुवात देखि अग्रता कायम राखेका छन् भने सिंह मतान्तर घटाउँदै पछ्याउँदै छन् ।

पछिल्लो मत परिणाम अनुसार २३ हजार ४४९ मत गणना हुँदा मल्ल ११ हजार १७८ मत सहित अगाडि छन् भने सिंह १० हजार ३०२ मतले पछ्याउँदै छन् ।
राप्रपाका नेत्र नाथले ३७७ मत प्राप्त गर्दा हाम्रो नेपाल पार्टीका शैलेन्द्र खड्काले २८१ मत मात्रै प्राप्त गरे ।
प्रदेश सभा “क” तर्फको एक हजार ३११ मत बदर भएको छ ।