कैलाली- कैलाली क्षेत्र नम्बर ३ (क) र (ख) दुवै प्रदेशसभा सदस्यमा नागरिक उन्मुक्ति पार्टीका उम्मेदवार विजयी हुनुभएको छ ।
Advertisement
अन्तिम मतपरिणाम अनुसार ३ (क) मा घनश्याम चौधर र (ख)मा खुशीराम चौधरी विजयी हुनुभएको हो । घनश्यामले १३ हजार ९२३ मत प्राप्तगरी विजयी हुनुभएको छ भने खुशीरामले सात हजार ५३९ प्राप्त गर्नुभएको छ । उहाँहरुको प्रतिद्वन्दी (क)का गठबन्धनका तर्फबाट नेपाली कांग्रेसका खेमराज डगौंरा थारुले ११ हजार ५७२ मत प्राप्त गर्नुभएको छ भने (ख) का गठबन्धनका तर्फबाट नेकपा (एकीकृत समाजवादी)का अम्मरबहादुर साउँदले छ हजार ६१९ मत प्राप्त गर्नु भएको छ ।
Advertisement
प्रदेश (क) मा जम्मा खसेको मत सङ्ख्या ३३ हजार ९२६ रहेकोमा ३२ हजार ३०२ मत सदर भएको छ भने एक हजार ६१७ मत बदर भएको निर्वाचन अधिकृत लक्ष्मीनारायण दाहालले जानकारी दिनुभयो ।
त्यसैगरी, प्रदेश (ख)मा जम्मा खसेको मत सङ्ख्या ३० हजार पाँच रहेकोमा २८ हजार १२९ सदरमत रहेको र एक हजार ८७६ बदरमत रहेको जनाइएको छ ।
