डोटी प्रदेश सभा “क” मा ४५० मतान्तर सहित एमालेका मल्ल विजयी

शिखर समाचार
प्रकाशित मिती: २०७९ मंसिर ७, बुधबार १४:५१

दिपायल– डोटी प्रदेश सभा “क” मा एमाले उम्मेदवार चक्र बहादुर मल्ल विजयी हुनु भएको छ । नेकपा एमालेका जिल्ला अध्यक्ष समेत रहेका मल्लले कांग्रेस जिल्ला सभापति नरेन्द्र बहादुर सिंहलाई सामान्य मतान्तरले पराजित गर्नु भएको हो ।

मुख्य निर्वाचन अधिकृतको कार्यालयका अनुसार डोटी प्रदेश सभा “क” तर्फ ३३ हजार ३२२ मत खसेको थियो । मल्ल १५ हजार २७९ मत ल्याउँदै विजयी हुनुभएको हो । उहाँका निकटतम प्रतिद्वन्दी सिंहले १४ हजार ८२९ मत प्राप्त गर्नु भयो ।

हाम्रो नेपाली पार्टीका उम्मेदवार शैलेन्द्र खड्काले ४५० मत प्राप्त गर्नु भयो भने राप्रपाका उम्मेदवार नेत्र नाथले ७५५ मत प्राप्त गर्नु भयो । एक हजार ९१९ म तबदर भएको छ ।

डोटीको प्रदेश सभा “ख” मा सत्ता गठबन्धनका तर्फबाट उम्मेदवार बनेका माओवादी केन्द्रका शिव सिंह ओली विजयी हुनु भएको छ । प्रतिनिधि सभातर्फ गठबन्धनका तर्फबाट एकीकृत समाजवादीका उम्मेदवार प्रेम आले भारी मतान्तरले अग्रेणी स्थानमा हुनुहुन्छ ।