Advertisement
- Beni-8 Myagdi Beni Bazar, Myagdi
- gandakipatra78@gmail.com
२०७९ चैत्र १६
March 30, 2023, Thursday
दिपायल – भारत प्रवासमा रहेका नेपालीहरुले डोटीका भूकम्प पीडितलाई आर्थिक सहयोग गरेका छन् । जिल्लाको पूर्वीचौकी गाउँपालिका- ३ गौरा गाउँका भूकम्प पीडितलाई राहत स्वरुप आर्थिक सहयोग गरेका हुन् ।
रोजगारीको सिलसिलामा भारतका विभिन्न ठाउँमा कार्यरत नेपालीहरुले रकम जम्मा गरेर भूकम्पमा परिवारका सदस्य गुमाएका पीडितलाई आर्थिक सहयोग गरेका हुन् ।
डोटीको सायल गाउँपालिका – ६ साउदनारा घर भएका युवा टेक बहादुर साउँदले प्रवासमा सञ्चालन गरेको अभियानबाट ६२ हजार ६०० नेपाली रकम जम्मा भएको थियो। प्रवासमा संकलन भएको सो रकम डेउडा प्रतिष्ठान डोटीका अध्यक्ष शेर साउँदले शुक्रबार भूकम्प पीडितकै गाउँमा पुगेर हस्तानतरण गरिएको हो।वडा सदस्य भीम बहादुर खड्काको रोहबरमा सहयोग हस्तान्तरण गरिएको हो ।
गृह जिल्ला भूकम्पका कारण शोक र त्रासमा रहेका बेला प्रवासबाट नजिकका साथीभाइहरुसँग अनुरोध गरेर तत्काल राहत स्वरुप आर्थिक सहयोग गरेको अभियन्ता टेक बहादुर साउँदले बताए । संकलन भएको केहीदिनमै पठाउने भनेको रकम निर्वाचनका कारण ढिला भएको बताउँदै उनले सुदूरपश्चिम भूकम्पको उच्च जोखिममा रहेकाले पूर्व तयारीका लागि नेपाल सरकार र सरोकारवाला जुट्नु पर्ने बताए।
भारतमा रोजगारी गर्दै आएका एक जनाको घर पुगेकै दिन भूकम्पका कारण घर भत्किँदा निधन भएको थियो,” साउदले भने,”घटनामा उनकी छोरीको पनि निधन भयो । श्रीमती गम्भीर घाइते हुनुभयो । त्यो सुनेर झनै पीडाबोध भयो र अभियान चलायौं ।”, हाम्रो सहयोग सानो हो तर त्यो सहानुभूति र राहत हो उनले भने ।
“भूकम्प मात्रै नभएर सो क्षेत्र अन्य कारणले पनि जोखिममा रहेको छ,”डेउडा प्रतिष्ठानका अध्यक्ष साउँदले भने,” त्यहाँका जनता सडक, बाढी पहिरो र जंगली जनावरका कारण पनि जोखिममा छन् । दीर्घकालीन समस्या समाधानका लागि सरकार र सरोकारवाला निकाय गम्भीर हुन जरुरी छ ।”
कार्तिक २३ गते बिहान २ बजेर १२ मिनेटमा खप्तड राष्ट्रिय निकुञ्ज केन्द्रविन्दु रहेको भूकम्पका कारण घर भत्किँदा जिल्लाको पूर्वीचौकी गाउँपालिका – ३ गैरागाउँका ६ जनाको मृत्यु भएको थियो ।
भूकम्प पीडा: भारतबाट आएका प्रेम परिवारसँग एक रात पनि निदाउन पाएनन्
FacebookTweetLikeShareLinkedInEmail शिक्षा विकास तथा समन्वय इकाई म्याग्दीले माध्यमिक शिक्षा परीक्षा (एसइई) संचालनमा नियुक्त गरिएका केन्द्राध्यक्षलाई अभिमुखीकरण गरेको छ । Advertisement...
FacebookTweetLikeShareLinkedInEmail दाल, तरकारी र मासुका परिकार स्वादिष्ट र सुगन्धित बनाउने मसला जातको धनियाँको मुठा (साग) बेचेर म्याग्दीका एक व्यक्तिले वार्षिक...
FacebookTweetLikeShareLinkedInEmail पश्चिम म्याग्दीको दरवाङ प्राथमिक स्वास्थ्य केन्द्रमा दुई महिनादेखि ‘एक्सरे मेसिन’ प्रयोगविहीन भएपछि बिरामीलाई सास्ती भएको छ। Advertisement थ्री फेज...
