डोटीमा सर्वाधिक राशिको पालिका स्तरिय भलिबल प्रतियोगिता हुने

शिखर समाचार
प्रकाशित मिती: २०७९ मंसिर १३, मंगलवार १७:२८

डोटी – डोटीमा अन्तरपालिका स्तरिय भलिबल प्रतियोगिता हुने भएको छ । एसपिए कपल्लेकी सिल्ड आयोजना समितिको आयोजनामा मंसिर २८ गतेदेखि पुस २ गतेसम्म शिखर नगरपालिका वडा नम्बर १, कपल्लेकीमा प्रतियोगिता हुने आयोजक समितिका अध्यक्ष चेतबहादुर शाहीले पत्रकार सम्मेलन मार्फत जानकारी दिएका छन् ।

डोटीमा अहिलेसम्मकै ठुलो धनराशिमा प्रतियोगिता हुन थालिएको शिखर नगरपालिका वडा नम्बर १, कपल्लेकीका वडा अध्यक्ष दिपक बोगटीले बताए । सुदूरपश्चिम एकेडेमी धनगढी मुख्य प्रायोजक तथा केदारेश्वर मावि कपल्लेकी सहप्रायोजक रहने प्रतियोगितामा प्रथम हुने टिमलाई नगद एक लाख २५ हजार, मेडल, ट्रफि तथा प्रमाणपत्र प्रदान गरिने छ ।

प्रतियोगितामा द्वितीय हुने टिमलाई नगद ५१ हजार, मेडल, ट्रफि तथा प्रमाणपत्र प्रदान गरिने तथा छ । तृतिय हुने टिमलाई २१ हजार, मेडल, ट्रफि तथा प्रमाणपत्र दिइने छ । त्यसैगरी प्रतियोगितामा सर्बोउत्कृष्ट खेलाडीलाई नगद ५ हजार, मेडल, ट्रफि तथा प्रमाणपत्र, वेष्ट स्पाइकर, डिफेन्डर, लिप्टर, ब्लकरलाई जनही दुई हजार पाँच सय नगद, मेडल, ट्रफि तथा प्रमाणपत्र प्रदान गरिने आयोजकले जानकारी दिएको छ ।

सम्पूर्ण पालिकाले मंसिर २२ गतेभित्रै आफ्नो टिम खेलाडीको नाम सहित दर्ता गरिसक्नुपर्ने बताइएको छ । प्रतियोगितामा ५ वटा टिममात्रै भएमा लिग आउट र सो भन्दा माथि भएमा नकआउट चरणद्वारा खेल खेलाइने आयोजकले जानकारी दिएको छ ।