Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८२ फाल्गुन २२
March 6, 2026, Friday
दिपायल- नेपाल पत्रकार महासंघ डोटी शाखाले ९ बुँदे घोषणा पत्र जारी गरेको छ । शाखाको १३औं वार्षिक साधारण सभाका अवसरमा जारी घोषणा पत्रमा पत्रकारिताको विकास र पत्रकारिता शिक्षाका लागि जोड दिने उल्लेख छ ।
साधारण सभाबाट सांगठनिक एवं आर्थिक प्रतिवेदन पारित गर्दै शाखाले प्रतिवद्धता सहितको घोषण पत्र पनि जारी गरेको हो । घोषणा पत्रमा जिल्लाका भूकम्प पीडितको पुर्नस्थापना एवं राहतका लागि सञ्चार क्षेत्रबाट पहल गर्ने, पत्रकार शुद्धीकरण, मोफसलमा पत्रकारिताको दिगो विकास, पत्रकारको क्षमता विकास गर्न प्रतिवद्ध रहेको उललेख छ । त्यस्तै पश्चिमसेती, खुटिया दिपायल दु्रत मार्गको निर्माण, खप्तड क्षेत्रको विकासमा र प्रवद्र्धनमा जोड दिन सरकारसँग आग्रह गर्ने सरकार तथा त्यस मातहतका सेवा प्रदायक संघ संस्थाहरुलाई पारदर्शी, सुशासनमैत्री, मीडिया मैत्री, जवाफदेही बनाउन ध्यानाकर्षण गर्ने जिल्लाको समृद्धि तथा विकासका लागि सरकारी, गैरसरकारी लगायतका क्षत्रहरुसँग सहकार्य समन्वय गर्ने र साधारण सभा सम्पन्न गर्न सहयोग गर्ने, सहभागिता जनाउने र महासंघको संस्थागत विकासमा सहयोग गर्नेलाई धन्यवाद ज्ञापन गर्ने उल्लेख छ ।
जिल्लामा मावि तथा क्याम्पसहरुमा पत्रकारिता बढाइ हुने व्यवस्था मिलाउन समन्वय सहकार्य गर्न प्रतिवद्ध रहेको उल्लेख छ । जिल्लामा रहेका पत्रकारहरु पत्रकारिता शिक्षा लिनका लागि जिल्ला बाहिर जानु पर्ने बाध्यातमक अवस्था रहेका कारण पत्रकारिताको गुणस्तरीय विकास हुन नसके शाखाका सचिव पवन महराले बताए । “पत्रकारितामा प्रवेश गरेका आशलाग्दा युवाहरु अध्ययनकै लागि जिल्ला छोड्नु पर्ने वा अन्य जिल्लामा भर्ना भएर महंगोमा पढ्नु पर्ने बाध्यता रहेको छ,“तालिमको भरमा पेशा संगाल्नु परेको छ । पत्रकारिताको व्यवसायिक विकाससँगै शैक्षिक र गुणस्तरीय विकास पनि आवश्यक छ । तसर्थ, हामीले जिल्लामै पत्रकारिता विषय अध्ययन गर्न सक्ने व्यवस्था मिलाउन यहाँका शैक्षिक संस्था एवं तिनै तहका सरकार र शिक्षा निकायसँग समन्वय गर्ने निर्णय गरेका हौं ।”
योसँगै शाखाले महासंघको संस्थागत एवं सांगठनिक विकासमा योगदान दिएका पूर्व सभापति एवं पूर्वअध्यक्षहरुलाई सम्मान गरेको छ । शाखाको भौतिक, संस्थागत विकासमा सहयोग गर्ने एवं पत्रकारको स्वास्थ्य उपचार एवं यातयातमा छुटदिने र समन्वय गर्ने संघ संस्थालाई सम्मान गरिएको शाखाका अध्यक्ष मोहन शाहीले बताए । शाखाका अध्यक्ष शाहीको अध्यक्षतामा सम्पन्न कार्यक्रममा जिल्ला समन्वय समितिका संयोजक लक्ष्मण बहादुर सिंह प्रमुख अतिथि थिए । उक्त कार्यक्रममा दिपायल सिलगढी नगरपालिकाका नगर प्रमुख विजय खड्का, शिखर नगरपालिकाका नगर प्रमुख दिर्घ बलायर, उप प्रमुख सुनिता रावल लगायत जिल्ला अन्य कार्यालय र संघसंस्थाका व्यक्तिहरुले सम्बोधन गरेका थिए ।
कार्यक्रममा नेपाल पत्रकार महासंघका केन्द्रीय सदस्य उत्तर विष्ट, भरत शाह, प्रदेश अध्यक्ष योगेश रावल लगायतको सहभागिता रहेको थियो ।
नेकपा एमालेका म्याग्दीका प्रतिनिधीसभा सदस्यका उमेद्वार हरिकृष्ण श्रेष्ठले आफ्नो प्रमुख प्रतिस्पर्धी नेपाली काँग्रेस भएको बताउनुभएको छ । Advertisement ग्रामिण क्षेत्रका...
बेनी, १७ फागुन । यही फागुन २१ गते हुने प्रतिनिधि सभा सदस्य निर्वाचनका लागि नेपाली काँग्रेस म्याग्दीबाट प्रतिनिधीसभा सदस्यका उमेद्वार...
नेपाली कम्युनिष्ट पार्टीका उमेद्वार अर्जुन थापाले म्याग्दीमा निर्माणाधिन र निर्माण सम्पन्न भएका जलविद्युत आयोजनामा प्रभावित क्षेत्रका बासिन्दाको सेयर लगानीको अधिकारलाई...
