बाँदरको आक्रमणबाट महिला घाइते

शिखर समाचार
प्रकाशित मिती: २०७९ पुष ४, सोमबार १८:२०

बैतडी- बैतडीमा बाँदरको आक्रमणबाट एक महिला घाइते हुनु भएको छ । भान्सा कोठामा खाना पकाइरहेका बेला खाना खोस्न आएका बाँदरले आक्रमण गर्दा घाइते हुनुभएको हो ।

बैतडीको दोगडाकेदार गाउँपालिका –४, पीपलकोटकी ५० वर्षीय मीना भट्ट सोमबार बिहान ११ः३० बजे भान्सा कोठामा खाना पकाइरहेका बेला बाँदरले आक्रमण गरेको थियो । बाँदरको झुण्ड खाना खोस्न भान्सामा पसेकाबेला प्रतिकार गर्दा बाँदरले आक्रमण गरेर गम्भीर घाइते बनाएको पीडित महिलाका देवर सत्यदेव भट्टले बताउनुभयो ।

घाइते महिलाको टाउकोमा छ वटा टाँका लगाइको छ ।