२०८१ जेष्ठ ३१
June 13, 2024, Thursday

बैतडीमा शिक्षक मृत फेला प्रकरणः विद्यार्थी आन्दोलित, आफन्तले शव बुझेनन्

बैतडी- बैतडीको पाटनमा मृत फेला परेका शिक्षक धनबहादुर बिष्टको शव अझै आफन्तहरुले बुझेका छैनन् । शिक्षक बिष्टको शंकास्पद मृत्यु भएको भन्दै आफन्तहरुले घटनाको सत्यतथ्य छानबीन गर्न माग गरेका छन् । शिक्षक बिष्टको मृत्यु नभइ हत्या भएको परिवारजनले आशंका गरेका छन् । मृतक बिष्टको शरीरभरी निलडाम भएकाले उनको हत्या भएको मृतकका आफन्त लिला बिष्टले बताइन् । उनले भनिन् ‘हामीले घटनाको सत्यतथ्य छानबीनको माग गरेका छौं ।दोषी पत्ता लगाउनुपर्ने हाम्रो माग रहेको छ ।’

Advertisement

मृतक शिक्षक बिष्टको दाँत टुटेको र मुखमा समेत घाउ रहेकाले उनको हत्या गरेर शव फालेको आशंका रहेको मृतकका भतिजा लोकेन्द्र बिष्टले बताए । ३० बर्ष सम्म शिक्षण पेशामा संलग्न रहेको ठाउँमा शिक्षकको मृत्यु हुँदा समेत कसैले चासो नलिएको बिष्टको गुनासो रहेको छ । उनले भने ‘हामी घटनाको सत्यतथ्य छानबीनको माग गर्छौं । हाम्रो मान्छेको हत्या गरेर शव फालिएको हो । यसमा सुक्ष्म अनुसन्धान अगाडि बढाउन समेत हामीले प्रहरीलाई आग्रह गरेका छौं ।’

बैतडीको सुर्नया गाउँपालिका २ ग्वानी घर भइ कृष्ण मावि पाटनमा कार्यरत शिक्षक बिष्ट शनिबार दिउँसो मृत अवस्थामा फेला परेका थिए । कृष्ण माविकै छात्रवास भवन पछाडि भिरालो ठाउँमा उनको शव फेला परेको थियो । शवको पोष्टमार्टम गरिएको भएपनि आफन्तहरुले शव बुझ्न मानेका छैनन् । मृतकका छोरा क्यानडामा रहेकाले उनी पनि नेपाल फर्किरहेका बताइएको छ ।

घटनाका बिषयमा प्रहरीले आवश्यक अनुसन्धान गरिरहेको इलाका प्रहरी कार्यालय पाटनका बरिष्ठ प्रहरी नायव निरीक्षक गौरव सिंहले जानकारी दिए ।

 शिक्षक बिष्टको हत्या भएको भन्दै कृष्ण मावि पाटन,  पाटन बहुमुखी क्याम्पस र भीमदत्त प्राविधिक शिक्षालयका विद्यार्थीहरु आन्दोलित भएका हुन् । 

विद्यार्थीहरुले आज पाटन बजारमा नारा जुलुस सहित शिक्षक बिष्टको हत्या भएकाले उनको हत्यामा संलग्नको खोजी गरी दोषीमाथि कारवाहीको माग गरेका छन् । नारा जुलुस सहित विद्यार्थीहरुले शिक्षक बिष्टलाई न्याय दिनुपर्ने भन्दै प्लेकार्ड समेत बोकेका थिए । 

Related News

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०७९ पुष ४, सोमबार १८:२५

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०७९ पुष ४, सोमबार १८:२५

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

टोड्केबाट फर्किदै गरेको बोलेरो दुर्घटना हुँदा चालकको मृत्यु
टोड्केबाट फर्किदै गरेको बोलेरो दुर्घटना हुँदा चालकको मृत्यु
  • २०७९ पुष ४, सोमबार १८:२५

म्याग्दीको पर्यटकीयस्थल टोड्केबाट बेनी नगरपालिका–१० वाखेतफर्त आउँदै गरेको ग १ ज ७१०६ नम्बरको बोलेरो जीप दुर्घटना हुँदा चालकको मृत्यु भएको...

TOP