गृहमन्त्री लामिछानेद्वारा पदभार ग्रहण, निर्मलालाई न्याय दिन पहल गर्ने पहिलो निर्णय

शिखर समाचार
प्रकाशित मिती: २०७९ पुष ११, सोमबार १८:३१

काठमाडौं- नवनियुक्त गृहमन्त्री रवि लामिछानेले पदभार ग्रहण गर्नुभएको छ । सोमबार साँझ सिंहदरबारस्थित गृह मन्त्रालय पुगेर गृहमन्त्री लामिछानेले पदभार गर्नुभएको हो ।

उहाँले आजै राष्ट्रपति भवनमा उप–प्रधानमन्त्रीसहित गृहमन्त्रीको पद तथा गोपनीयताको शपथ ग्रहण गर्नुभएको थियो । उहाँ नेपाल राष्ट्रिय स्वतन्त्र पार्टीका सभापति र लामो समय सञ्चारकर्मीका रूपमा कार्यरत हुनुहुन्थ्यो ।

लामिछानेले निर्मला पन्तलाई न्याय दिन पहल गर्ने पहिलो निर्णय गर्नु भएको छ । सपथ ग्रहणपछि सिंहदरबारमा पुगेर कार्यभार सम्हालेपछि उहााले आफ्नो पहिलो निर्णयको रुपमा निर्मला पन्तलाई न्याय दिनको लागि पहल गर्ने निर्णय गरेको बताउनु भयो ।