म्याग्दीका सहकारीहरुको अहिलेको अबस्थाको बिषयमा अन्तरक्रिया

gandaki_patra
प्रकाशित मिती: २०७९ पुष २४, आईतवार १४:००

जिल्लामा सञ्चालित सहकारी संस्थाका संचालक र कर्मचारीको उपस्थितमा सहकारीको समसामयिक विषयमा अन्तरक्रिया गरिएको छ । आईतबार सहकारी रजिष्ट्रार कार्यालय गण्डकी प्रदेशको आयोजना र जिल्ला सहकारी संघ लिमिटेडको समन्वयमा जिल्लामा संचालित सहकारीको समसामयिक विषयमा छलफल भएको हो । बेनी नगरपालिका प्रमुख सुरत केसीले सहकारीलाई व्यवस्थित संचालनका लागि संचालक समिति तथा सहकारीकर्मीहरु सचेत हुनुपुर्ने बताउनुभयो ।

सहकारीभित्र हिजो भएका साना साना गल्तीका कारण आज विकराल समस्या उत्पन्न भएको बताउँदै नगर प्रमुख केसीले सहकारीले लगानी गर्दा विचार पु¥याउन आवश्यक रहेको उल्लेख गर्नुभयो । उपप्रमुख ज्योति लामिछानेले पछिल्लो समय जिल्लाका कतिपय सहकारीहरुले सदस्य तथा अन्य सेवाग्राहीले बचत गरेको रकम फिर्ता गर्न समेत नसकेको गुनासो आएको बताउँदै व्यस्थित रुपमा संचालनका लागि संचालक समिति तथा सदस्यहरु समेत गम्भिर बन्न आवश्यक रहेको बताउनुभयो ।

पछिल्लो समय सहकारी तरलताको अभाव बढदै गएपछि सहकारीले बचत फिर्ता गर्न नसकेको अवस्था छ । सहकारी सम्वन्धी उजुरी बढ्दै गएपछि सहकारी रजिष्ट्रार कार्यालय गण्डकी प्रदेशका रजिष्ट्रार रमेश घर्ती र शाखा अधिकृत चौलाकान्त वाग्लेले बेनी नगरपालिकाको सभाहलमा सहकारीका संचालक र कर्मचारी उपस्थित गराएर सहकारीको समसामयिक विषय, समस्या र सहकारीका नीति नियमबारे जानकारी गराउनुभएको थियो ।

कार्यक्रममा पछिल्लो समय सहकारीले बचत फिर्ता गर्न नसकेको अवस्था सिर्जना भएको हुदाँ संचालक र कर्मचारीले सहकारीको गतिविधिबारे सहकारी नियगमनकारी निकायमा नियमित रिपोटिङ, अध्यावधिक, शुसासन, शियर सदस्यविच छलफल लगायतको विषयमा विशेष ध्यान दिन आग्रह गरिएको थियो । जिल्लामा पछिल्लो समय सहकारीमा बचत फिर्ता नभएपछि बचतकर्ताले सहकारी विरुद्ध पालिका, प्रशासन र सहकारी रजिष्टार कार्याल लगायतमा उजुरी बढ्दै गएको छ ।