नेकपा (माओवादी केन्द्र)ले रघुगंगा गाउँपालिकामा ‘जनतासंग पार्टी अभियान’ शुरु गरेको छ ।
Advertisement
सदस्यता अद्यावधिक, विस्तार, जनताका गुनासा, सुझाब र राय संकलन गर्दै पार्टीलाई थप संगठीत र क्रियाशिल बनाउने उदेश्यले दुई महिने अभियान शुरु गरेको हो । मौवाफाँट स्थित पार्टी कार्यालयमा भएको पालिका कमिटिको बैठकले वडा र टोल स्तरमा अभियानको कार्यक्रमका लागि कार्य विभाजन गरेको छ ।
कार्यक्रममा नेकपा माओवादी केन्द्रका गण्डकी प्रदेश सहसचिव टेकबहादुर विश्वकर्मा (सुवास)ले नागरिक तहसम्म पार्टीको नीति, जनयुद्धका उपलब्धी र पार्टीले गरेका कामको बारेमा सन्देश पु¥याउन र कार्यकर्ताहरुलाई प्रशिक्षित गराउन अभियान केन्द्रित हुने बताउनुभयो ।
नेपाली काँग्रेसले सरकार गठनका क्रममा नेतृत्व छोड्न नमानेपछि एमाले सहितको दलहरुको सहयोगमा सरकार गठन भएपनि संसदमा सम्बोधन गर्ने क्रममा एमाले अध्यक्ष ओलीले संसद विघटन सहि भएको बताउँदा राष्ट्रिय सहमतिको आवश्यकताको महशुस गरेर राष्ट्रपति निर्वाचनमा काँग्रेस सहितको आठ दलीय गठबन्धन बनाउनु परेको विकले बताउनुभयो ।
राजनीतिक सँगै सामाजिक गतिबिधिमा संलग्न भएर प्रभावकारी र नमुना काम गरेर सकारात्मक सन्देश दिनुपर्ने म्याग्दी प्रदेशसभा क्षेत्र (क)का ईञ्चार्ज विनोद केसीले बताउनुभयो ।
गाउँपालिका कमिटिका अध्यक्ष तथा गण्डकी प्रदेशसभा सदस्य हरिबहादुर भण्डारीले गलेश्वर–राखु लगायत अलपत्र र अधुरा आयोजनालाई पूर्णता दिन प्रयास गरेको जानकारी गराउदै विकास निर्माण र नीति मार्फत नागरिकका समस्या सम्बोधन गराउने प्रतिवद्धता जनाउनुभयो ।
कार्यक्रममा माओवादी केन्द्रका प्रदेश सदस्य तथा रघुगंगा गाउँपालिका कमिटि इञ्चार्ज रिम कटुवाल, प्रदेश सदस्य चिना हमाल, बेनी नगर कमिटि अध्यक्ष सेरबहादुर केसी लगायतको उपस्थिति थियो ।
अभियानको क्रममा शहिद परिवार, जनयुद्धको क्रममा भूमिगत नेता, कार्यकर्ता, सेल्टर दिने घर, परिवार, घाइते, अपांग संग घेटघाट गर्ने, उनिहरुको लिखित र मौखिक सुझाव तयार पारिने भएको छ ।
