२०८१ जेष्ठ ३१
June 13, 2024, Thursday

म्याग्दीमा ठूलो परिमाणमा लागू औषध सहित २ जना पक्राउ

म्याग्दीमा पछिल्लो समय सबै भन्दा बढी लागू औषध सहित दुई जना पक्राउ परेका छन् । म्याग्दीका प्रहरी नायव उपरीक्षक मदन कुँवरका अनुसार जिल्ला प्रहरी कार्यालयले बुधबार साँझ बेनी नगरपालिका–८ कालीपुलबाट लागू औषध सहित दुई जनालाई पक्राउ गरेको छ । औषध सहित बेनीबाट बुधबार राती पक्राउ परेका रघुगंगा गाउँपालिका–७ का २८ वर्षीया सोबिता बागदास र बेनपा–९ घतान का ३२ वर्षीय प्रेम सार्कीलाई जिल्ला प्रहरी कार्यालयले सार्वजनिक गरेको छ ।

Advertisement

पर्वतको जलजला गाउँपालिका–३ मा बस्दै आएका उनिहरुको साथबाट २०० एम्पुल डाईजोपाम, २०१ एम्पुल फेनेरागन र २०० एम्पुल नुर्फिन बरामद भएको प्रनाउ कुँवरले जनकारी दिए । प्रहरीले पछिल्लो तीन वर्षयता उनिहरुबाट ठूलो परिणाममा लागू औषध बरामद गरेको हो । उनिहरुलाई जिल्ला अदालतबाट अनुसन्धानका लागि १० दिनको म्याद थप गरेर हिरासतमा राखिएको छ ।

उनिहरुले भारतको सिमानाबाट लागू पदार्थ ल्याएर म्याग्दीको विभिन्न ठाउँमा बिक्री गर्ने गरेको प्रारम्भिक अनुसन्धानका क्रममा खुलेको जिल्ला प्रहरी कार्यालय म्याग्दीले जनाएको छ । पछिल्लो १५ दिनमा बेनीमा बागदास र सार्की सहित चार जनालाई प्रहरीले लागू औषध सहित पक्राउ गरेको जनाएको छ । यसअघि फागुन ११ गते जलजला गाउँपालिका–३ मल्लाचोकबाट रुपन्देहीको सोमरीमाई गाउँपालिका–३ का १९ वर्षीया मुस्ताफा खानलाई ३१९ ट्याबलेट नाइट्राभेट लागू औषध सहित पक्राउ गरेको थियो ।

फागुन १६ गते बेनी नगरपालिका ८ कालीपुलबाट भारतको बगनग्राम माल्हादा पश्चिम घर भई हाल पोखरा बस्ने २८ वर्षीय अलेमुन हकलाई ६.५ ग्राम खैरो हिरोइन सहित पक्राउे प्रनाउ कुँवरले बताए । म्याग्दी जिल्ला अदालतले कर्तब्य ज्यान मुद्दामा १७ वर्ष ४ महिना १ दिन कैद सजायको फैसला गरेकी २३ वषीया महिला, जवरजस्ती करणी मुद्दामा १ वर्ष कैद भुक्तान गर्न बाँकी रहेका ६८ वर्षका पुरुष र लागु औषध मुद्दामा ४ दिन कैद भुक्तान गर्न बाँकी रहेका १ जना पुरुषलाई पक्राउ गरिएको छ ।
आर्थिक वर्ष २०७८÷७९ मा लागू औषधका दुई वटा मुद्दामा ४ जना, २०७७÷७८ मा ६ वटा मुद्दामा ७ जना र २०७६÷७७ मा ९ वटा मुद्दामा ११ जना पक्राउ परेका थिए । २०७६÷७७ मा १०९ एम्पुल डाईजापाम, १०९ एम्पुल फेनेरागन, १११ एम्पुल नुर्फिन, ४ थान सिरिन्ज, १४२ ग्राम चरेश, ७ किलो ९५० ग्राम गाँजा बरामद गरेको प्रहरी जनाएको छ ।

२०७७÷७८ मा १५० एम्पुल डाईजेपाम, १४९ एम्पुल फेनारागन, १४८ एम्पुल नोर्फिन, ३२ केजी १७५ ग्राम गाँजा र नगद रु. १२ हजार ६० बरामद भएको थियो । २०७८÷७९ मा ७ एम्पुल डाईजेपाम, ८ एम्पुल फेनेरागन, ७ एम्पुल नुर्फिन र ५४८ ग्राम गाँजा बरामद भएको प्रहरीले दिएको तथ्याङमा छ ।

प्रहरी निरीक्षक राजन ढकालका अनुसार प्रहरीले पछिल्लो १ महिनाको अवधिमा अदालतले विभिन्न मितिमा गरेको फैसलाबाट दोषी ठहर भएका २२ जना कसुरदारहरुलाई पक्राउ गरेको छ । उनिहरुलाई लागेको २५ वर्ष १ महिना २३ दिन कैद र रु. १७ लाख ६६ हजार ३७५ जरिवाना असुल उपर गरेको छ ।

Related News

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०७९ फाल्गुन २५, बिहीबार ११:५४

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०७९ फाल्गुन २५, बिहीबार ११:५४

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

टोड्केबाट फर्किदै गरेको बोलेरो दुर्घटना हुँदा चालकको मृत्यु
टोड्केबाट फर्किदै गरेको बोलेरो दुर्घटना हुँदा चालकको मृत्यु
  • २०७९ फाल्गुन २५, बिहीबार ११:५४

म्याग्दीको पर्यटकीयस्थल टोड्केबाट बेनी नगरपालिका–१० वाखेतफर्त आउँदै गरेको ग १ ज ७१०६ नम्बरको बोलेरो जीप दुर्घटना हुँदा चालकको मृत्यु भएको...

TOP