म्याग्दीको रघुगंगा गाउँपालिका–४ दग्नाममा आगामी शनिबार ११ गते निशुल्क स्वास्थ्य शिविर हुने भएको छ । लायन्स क्लब अफ बेनी लभ्ली हिलको आयोजना रघुगंगा गाउँपालिका वडा नं. ४ सहआयोजक र दिगो क्लिनिक प्रा.लि.को प्राविधिक सहयोगमा निशुल्क स्वास्थ्य शिविर आयोजना गरिएको क्लबका अध्यक्ष भरत बहादुर रकालले जानकारी दिनुभयो ।
उक्त कार्यक्रममा बेनी अस्पतालमा कार्यरत फिजिसीयनद्धारा स्वास्थ्य चेकजाँज, सुगर, प्रेसर, दम लगायत अन्य दिर्घरोगहरुको पहिचान तथा मरामर्श, हाडजोर्नी तथा नशा सम्बन्धी रोगको पहिचान, आवश्यक उपचार सहित परामर्श गरिएको कार्यक्रम संयोजक नेत्रराज सुवेदीले जानकारी दिनुभयो ।
उहाँका अनुसार बालरोग सम्बन्धी परामर्श तथा निदान र नाक कान घाँटी सहित निशुल्क औषधि वितरण गरिनेछ ।
