बाइकर्स म्याग्दीको आयोजनामा बेनी बोर्डिङ्गमा ट्राफिक नियम सम्बन्धी जनचेतना कार्यक्रम

गण्डकीपत्र डटकम
प्रकाशित मिती: २०८० बैशाख १५, शुक्रबार १५:३५

म्याग्दीको बेनी बजारमा रहेको बेनी बोडिङ्गमा बाइकर्स म्याग्दीको आयोजनामा ट्राफिक नियम सम्बन्धी जनचेतना मुलक कार्यक्रम सम्पन्न भएको छ ।

बाईकर्सको आयोजनामा भएको कार्यक्रममा जिल्ला ट्राफिक प्रहरी कार्यालय म्याग्दीका प्रमुख राजेन्द्र पौडेलले ट्राफिक नियमका बारेमा विद्यार्थीहरुलाई जानकारी गराउनुभएको थियो ।

सुरक्षित साथ सडकमा हिँड्न तथा बाटो काट्न विद्यार्थीलाइ ट्राफिक नियमको जानकारी गराउदै ट्राफिक नियम पालना नगर्दा हुन सक्ने दुर्घटनाको बारेमा जानकारी दिएको प्रमुख पौडेलले बताउनुभयो ।

जथाभावी सडकमा हिँड्दा हुनसक्ने सम्भावित जोखिमलाई ध्यानमा राखेर ट्राफिक नियमको बारेमा विद्यार्थीहरुलाई सचेत गराईएको सन्देश बानियाँले जानकारी दिनुभयो ।

र्दुघटना कम होस् र ट्राफिक नियम सम्बन्धी सम्पूर्ण विद्यार्थीहरुलाई जानकारी दिने उद्देश्यले कार्यक्रमको आयोजना गरिएको बाइकर्स म्यादीका अध्यक्ष गोविन्द क्षेत्रीले जानकारी दिनुभयो । बाइकर्स म्याग्दीले विभिन्न सामाजिक काम गर्दै आएको छ ।