२०८० फाल्गुन ११
February 23, 2024, Friday

संगीतकर्मी संघले तिज गीत प्रतियोगिता आयोजना गर्ने

म्याग्दी । राष्ट्रिय संगीतकर्मी संघ म्याग्दीले हरितालिका तिज पर्व २०८० को पावन अवसर पारि जिल्ला स्तरीय खुल्ला तिज गीत प्रतियोगिता आयोजना गर्ने भएको छ । संघले बुधबार बेनीमा पत्रकार सम्मेलनको आयोजना गरि प्रतियोगिताको बारेमा जानकारी गराएको हो ।

Advertisement

संघका अध्यक्ष गाकुल विश्वकर्माले तिजको अवसरमा भाद्र २९ गते महिला अधिकार, बाल विवाह न्युनिकरण तथा समसामयिक विषयबस्तुमा आधारित खुल्ला तिज गीत प्रतियोगिताको आयोजना गर्न लागिएको जानकारी गराउनुभयो । प्रतियोगितको प्रथम पुरस्कार रु २२ हजार २ सय २२, द्वितिय पुरस्कार १५ हजार ५ सय १५, तृतिय पुरस्कार ७ हजार ७ सय ७७ र शान्त्वना पुरस्कार ३ हजार ३ सय ३३ राखिएको अध्यक्ष विश्वकर्माले बताउनुभयो ।

प्रतियोगिता संचालनका लागि पुरस्कार, प्रचार प्रसार, छपाई, ध्वनी व्यवस्थापन, कलाकार खर्च, अतिथि सत्कार, खाजा खाना खर्च, लगायत गरि कुल रु २ लाख २ हजार १ सय ९ रुपैयाँ अनुमानित खर्च र प्रायोजक, सहयोगी रसिद तथा स्थानीय तहबाट समेत गरि कुल २ लाख १० हजार अनुमानित आम्दानी हुने अध्यक्ष विश्वकर्माले बताउनुभयो ।

तिजका भाकाहरुको मौलिकता जोगाउने र तिज पर्वको महत्व झल्काउने गरि संघले खुल्ला तिज गीत प्रतियोगिताको आयोजना गरेको र प्रचार प्रसार तथा आर्थिक सहयोग संकलन कार्य सुरु गरिएको संघका महासचिव गोकुल सुनारले बताउनुभयो । महासचिव सुनारका अनुसार प्रतियोगितामा एकल तथा सामुहिक रुपमा पनि भाग लिन पाईने छ । ४ देखि ६ टुक्का सम्मको मौलिक तिजको भाकामा समसामयिक विषयबस्तुमा गीत गाउनुपर्ने छ ।

बेनी स्थित जिल्ला समन्वय समितिको सभाहलमा प्रतियोगिता संचालन गरिनेछ । कार्यक्रममा नेपाल पत्रकार महासंघ म्याग्दी शाखाको अध्यक्ष प्रकाश पौडेलले तिज लाई विशेष बनाउन र मौलिकता संरक्षणका लागि पनि संगीतकर्मी संघको कार्य स्रहनिय रहेको बताउनुभयो । प्रतियोगिताको प्रथम पुरस्कार प्रायोजन म्याग्दी घर भई हाल बेल्जियममा रहनुभएकी लोक दोहोरी गायीका सुमि घिमिरे सापकोटाले गर्नुभएको छ ।

द्वितिय पुरस्कार प्रायोजक गौमति विकास कोष म्याग्दी, तृतिय पुरस्कार प्रायोजक, सर्जक, गायक तथा संगीतकार विकास विश्वकर्मा, हाल यूएई, र शान्त्वना पुरस्कार प्रायोजक हाल क्रोयसियामा रहनुभएका रामकृष्ण शर्माले गर्नुभएको छ । गण्डकी आईडल उपविजेता लोक गायक विजय परियारले प्रथम, दितिय र तृतिय ट्रफि सौजन्य गर्नुभएको अध्यक्ष विश्वकर्माले बताउनुभयो ।

पत्रकार सम्मेलन संघका अध्यक्ष विश्वकर्माको अध्यक्षता, पत्रकार महासंघ म्याग्दीका अध्यक्ष पौडेलको विशेष आतिथ्यता र संघका महासचिव सुनारको संचालनमा सम्पन्न भएको थियो । २०७८ सालमा म्याग्दी शाखाको रुपमा स्थापना भएको संघले यस अघि खुल्ला लोक दोहोरी गीत प्रतियोगिता, खुल्ला तिज गीत नृत्य प्रतियोगिता र एकल तिज गीत प्रतियोगिता जस्ता कार्यक्रमहरु संचालन गरिसकेको छ ।

Related News

बेनीमा दादुरा रुबेला खोप सम्बन्धी अभिमुखीकरण
बेनीमा दादुरा रुबेला खोप सम्बन्धी अभिमुखीकरण
  • २०८० श्रावण २४, बुधबार १५:००

म्याग्दीको बेनी नगरापलिकामा दादुरा र रुबेला खोप संचलनका लागि अभिमुखीकरण गरिएको छ । बेनी नगरपालिकाको सभाहलमा भएको दादुरा रुबेला खेपा...

बालगृहका बालबालिकाको औषधि व्यवसायी संघ म्याग्दीद्धारा स्वास्थ्य परीक्षण
बालगृहका बालबालिकाको औषधि व्यवसायी संघ म्याग्दीद्धारा स्वास्थ्य परीक्षण
  • २०८० श्रावण २४, बुधबार १५:००

नेपाल औषधि व्यवसायी संघ जिल्ला शाखा म्याग्दीले नेपाल बाल संगठन म्याग्दीमा रहेका बालबालिकाहरूको निःशुल्क स्वास्थ्य परीक्षण गरेको छ । औषधि...

शुशिल गर्बुजा हत्या मुद्दाका आरोपी १३ जनालाई पुर्पक्षका थुनामा राख्ने आदेश
शुशिल गर्बुजा हत्या मुद्दाका आरोपी १३ जनालाई पुर्पक्षका थुनामा राख्ने आदेश
  • २०८० श्रावण २४, बुधबार १५:००

गत माग ११ गते साँझ बेनी माघ ११ गते साँझ बेनी नगरपालिका–८ न्युरोडमा चक्कु प्रहार गरि रघुगंगा गाउँपालिका–१ बेग घर...

TOP