मुक्तिधाम माविमा एसइईमा उत्कृष्ट जिपिए ल्याउने विद्यार्थीलाई सम्मान

गण्डकीपत्र डटकम
प्रकाशित मिती: २०८० श्रावण २६, शुक्रबार १६:१२

म्याग्दीको रघुगंगा गाउँपालिका–२ भगवतीमा रहेको मुक्तिधाम माविले २०७९ सालको एसइईमा विद्यालयबाट उत्कृष्ट जिपिए ल्याउने विद्यार्थीलाई सम्मान गरेको छ ।

विद्यालयमा शुक्रबार एक कार्यक्रमको आयोजना गरि एसइईमा सहभागी ७१ जना विद्यार्थी मध्ये साधारण धार तर्फ घ.४० जिपिए ल्याउने रजनी सुनार र प्राविधिक धार तर्फ ३.७६ जिपिए ल्याउने आस्था कार्कीलाई नगद दुई÷दुई हजारका दरले विद्यालयले पुरस्कार प्रधान गरेको थियो ।

शिक्षक अभिभावक संघका अध्यक्ष नर्सिङह बहादुर खत्री को अध्यक्षता भएको उक्त कार्यक्रममा विद्यालयका भुपु विद्यार्थी रघुगंगा ३ पिप्ले हाल काठमाडौँ निवासी कमल कुमार शाहीले प्रधान गर्नुभएको रु २५ हजार रुपैयाँ विद्यालयमा उत्कृष्ट नतिजा ल्याउने विद्यार्थीलाई प्रधान गरिएको विद्यालयले जनाएको छ ।

३.७६ जिपिए ल्याउने आस्था कार्कीलाई १० हजार, ३.५१ जिपिए ल्याउने सज्जन शर्मा, ३.४८ जिपिए ल्याउने दिप्सन भण्डारी र २.४० जिपिए ल्याउने रजनी सुनारलाई ५÷५ हजारका दरले वितरण गरिएको विद्यालयले जनाएको छ । साथै गत शुक्रबार सम्पन्न निबन्ध लेखन प्रतियोगितामा प्रथम दितिय र तृतीय स्थान हासिल गर्ने आधारभूत तह १–५,६–८ र ९–१२ का विधार्थिहरु लाई पुरस्कार वितरण गरिएको थियो ।

कार्यक्रममा विद्यालयबाट बिदाई भएर जान लाग्नुभएको शिक्षक लुक बहादुर घर्ती र कृषि प्रशिक्षक श्री शिव आचर्यालाई विदाई गरिएको छ । कार्यक्रममा स्वागत शि.अ.सघका अध्यक्ष खत्री, प्र.अ टेकबहादुर केसी, शिक्षक लुक घर्ती, विद्यार्थी सन्ध्या कार्कीले मन्तव्य राख्नुभएको थियो । साहयक प्रअ भगवान खत्रीको स्वागत रहेको कार्यक्रमको संचालन शिक्षक बिष्णुप्रसाद रेग्मीले गर्नुभएको थियो ।