२०८१ श्रावण ८
July 23, 2024, Tuesday

गण्डकीको भौतिक मन्त्रालयले रुग्न आयोजना घटायो

गण्डकी प्रदेशको भौतिक पूर्वाधार विकास तथा यातायात व्यवस्था मन्त्रालयले रुग्न आयोजनाको संख्या घटाएको छ ।

Advertisement

गत वैशाख २९ गते पदभार सम्हालेका मन्त्री रेशमबहादुर जुुग्जालीले सोमबार एक सय दिनका कार्यप्रगति विवरण सार्वजनिक गर्दै निर्माण व्यवसायीहरुलाई काममा फर्काएर रुग्न आयोजनाको संख्या घटाएको जानकारी दिनुुभयो ।

“मैले पदभार सम्हाल्दा यस मन्त्रालय अन्तरगतका ४७ वटा आयोजनाको काम रोकिएको थियो,” उहाँले भन्नुुभयो “३० वटा आयोजनाका निर्माण व्यवसायी काममा फर्किसकेका छन् । १७ वटा आयोजनाका निर्माण व्यवसायीलाई काममा फर्काउन केन्द्रित भएका छौ ।”

चालुु आर्थिक वर्ष २०८०÷८१ मा ३० लाख भन्दा कम बजेटका योजना नबनाएको मन्त्रालयले टुुक्रे योजनाको कटौति गरेको छ । गत वर्ष एक हजार ८०० योजना रहेकोमा चालु वर्षमा एक हजार एक सय वटा कायम भएका छन् ।

“विगतमा ठेक्का लागेका आयोजनाहरुलाई निरन्तरता दिन र सम्पन्न गर्न पर्याप्त बजेट व्यवस्था गरिएको छ,” मन्त्री जुुग्जालीले भन्नुुभयो “योजनाको संख्या कम हुँदा प्राविधिक जनशक्तिलाई भार कम पर्ने, योजना कार्यान्वयन नियमन र अनुुगमन सहज हुने, प्रशासनिक लागत घट्ने र उपलब्धी देखिने अपेक्षा गरेका छौ ।”

मन्त्री जुुग्जालीले पदभार सम्हाल्ने क्रममा गर्नुुभएको प्रादेशिक सडक सञ्जाल गुुरुयोजनको मस्यौदाका लागि गठन भएको प्राविधिक सहयोग समितिले प्रतिवेदन तयार गर्ने अन्तिम चरणमा पुुगेको छ । रु. २१ करोडको आपतकालिन सडक मर्मत सम्भार कोष खडा गरि प्रदेश सरकार अन्तरगतका सडकमा बाह्ै महिना यातायात सञ्चालन गर्न बर्खा याममा अवरुद्ध सडकहरुको मर्मत सम्भार गरिएको मन्त्रालयले जनाएको छ ।

गण्डकी प्रदेशका मुुख्य र सहायक राजमार्ग तथा जिल्लाका प्रमुख सडकहरुको वैकल्पिक मार्ग पहिचान गरि यातायात सञ्चालनको व्यवस्था मिलाएको मन्त्रालयका उपसचिव टिकाराम पौडेलले जानकारी दिनुुभयो । मध्यपहाडी, पोखरा मुुग्लीन, कालीगण्डकी कोरिडोर लगायत संघीय सरकारका आयोजना कार्यान्वयनमा गति दिन सहजिकरण र समन्वय गरेको उहाँले बताउनुुभयो ।

चालुु आर्थिक वर्षमा रु. १२ अरब भन्दा बढी बजेट बिनियोजन भएको मन्त्रालयले थप तीन सय किलोमिटर सडक कालोपत्र, २५ वटा सडक पुुल र २० वटा झोलुुङ्गे पुल निर्माण सम्पन्न गर्ने लक्ष्य राखेको जनाएको छ ।

पोखरा उपत्यकामा वि.स. २०७७ मा छ महिना सञ्चालन भएर बन्द भएको मिटरमा ट्याक्सी सञ्चालन गर्ने सेवा यही भदौ १ गतेदेखि पुुन सञ्चालन भएको यातायात कार्यालय कास्कीका प्रमुुख डिल्ली रिजालले बताउनुुभयो । मिटरमा ट्याक्सी सञ्चालन हुुन थालेपछि यात्रु ठगिएको र चर्को भाडामा मारमा परेको गुुनासो न्युनीकरण हुने अपेक्षा गरिएको छ ।

सार्वजनिक विद्युुतीय सवारी सञ्चालन मापदण्ड २०८० स्विकृत र लागु भएको र २० वर्षे ट्याक्सी विस्थापित गरि विद्युुतीय कार दर्ता गर्ने प्रक्रीया अघि बढेको छ । यातायात कार्यालय कास्की सवारी चालक अनुुमतीपत्रमा अनलाइनबाट लाइसेन्स नविकरण गर्ने र बिहान ८ बजेदेखि सेवा सञ्चालन भएको छ ।

यातायात व्यवस्था कार्यालय बाग्लुुङमा ११ वर्षपछि चार पाङ्ग्रे सवारी साधनको लाइसेन्सको प्रयोगतात्मक परिक्षा सञ्चालन गर्न ट्रायल सेन्टर छनौट भई सम्झौताको तयारी भएको मन्त्री जुुग्जालीले बताउनुुभयो । वाइट बाग्लुुङमा चार पाङ्ग्रेको लाइसेन्स सेवा शुुरु भएपछि पोखरामा सेवाग्राहीको चाप घट्ने अपेक्षा गरिएको छ ।

यातायात व्यवस्था कार्यालय कास्की सवारीको अभिलेखलाई डिजिटलाइजेसन गरेको र अन्य कार्यालयहरुमा पनि यो काम गर्न चालुु आर्थिक बर्षमा बजेट बिनियोजन भएको छ । यातायात क्षेत्रमा नितिगत रुपमा सरल र सेवाग्राहीमैत्री बनाउन यातायात सेवा ऐन संसोधन तथा नियमावली र कार्यबिधी निर्माणको काम भैरहेको मन्त्रालयले जनाएको छ ।

Related News

पहिलो साउने सोमबार गलेश्वरमा भक्तजनको भिड
पहिलो साउने सोमबार गलेश्वरमा भक्तजनको भिड
  • २०८० भाद्र ४, सोमबार १४:१३

म्याग्दीको बेनी नगरपालिका–९ मा रहेको प्रसिद्ध धार्मिकस्थल गलेश्वरधाममा साउनको पहिलो सोमबार बिहानैदेखि दर्शनार्थीको भीड लागेको छ। गलेश्वर मन्दिरमा दर्शनका लागि...

लोक संगीत चौतारीमा बर पिपल र स्वामी रोपियो
लोक संगीत चौतारीमा बर पिपल र स्वामी रोपियो
  • २०८० भाद्र ४, सोमबार १४:१३

म्याग्दी । म्याग्दीका अग्रज लोक दोहोरी गायक स्व. चक्र प्रसाद बानियाँको स्मृतिमा राष्ट्रिय लोक तथा दोहोरी गीत प्रतिष्ठान म्याग्दीले निर्माण...

बेनी नगरको सार्वजनिक सुनुवाई ः पूँजीगत खर्च ८५ प्रतिशत
बेनी नगरको सार्वजनिक सुनुवाई ः पूँजीगत खर्च ८५ प्रतिशत
  • २०८० भाद्र ४, सोमबार १४:१३

असार ३१ गते । बेनी नगरपालिकाको चालु आर्थिक बर्ष २०८०÷०८१ मा विकास निमार्ण तर्फको पूँजीगत ८४.९९ प्रतिशत बजेट खर्च गरेको...

TOP