म्याग्दी जिल्लाको कला संस्कृति, साहित्य, लघुउद्यम, कृषि तथा पशुपालन र सामाजिक क्षेत्रमा योगदान पुर्याउने चार जनालाई सम्मान गरिएको छ ।

बेनीमा आयोजित नेपाल जेसीजको क्षेत्र ‘ख’ सम्मेलनको अवसर पारेर समाजमा योगदान पुर्याउने उत्कृष्ट चार जनालाई नगद ६ हजार रकम सहित सम्मान गरिएको नेपाल जेसीजका सिनेटर रमेशकुमार श्रेष्ठले बताउनुभयो । गीत सङ्गीत, सामाजिक क्षेत्र, कृषि तथा पशुपालन र लघुउद्यम गरी चार वटा विधामा उत्कृष्ट काम गर्ने व्यक्तिहरूलाई छनौट गरिएको उहाँले बताउनुभयो ।

कृषि र पशुपालन क्षेत्रमा योगदान पुर्याउने धवलागिरि गाउँपालिका-३ मल्कबाङका भेडापालक किसान हिमबहादुर छन्त्याल, गति सङ्गीत मार्फत जिल्लालाई चिनाउन सफल भएको भन्दै लोकप्रिय गायक मङ्गला गाउँपालिका-३ का प्रकाश दुतराज, विपत् व्यवस्थापन तथा उद्धारमा क्रियाशील भएर समाजमा उत्कृष्ट योगदान दिएको भन्दै अन्नपूर्ण गाउँपालिका-३ दानाका इन्द्रसिंह शेरचन र युवा लघुउद्यमी धवलागिरि गाउँपालिका-७ धारापानीका किरण थापालाई सम्मान गरिएको हो ।

गण्डकी प्रदेश सरकारका मुख्यमन्त्री सुरेन्द्रराज पाण्डे, प्रतिनिधि सभाका सदस्य खमबहादुर गर्बुजा, गण्डकी प्रदेश सरकारका भौतिक पूर्वाधार विकास तथा यातायात व्यवस्था मन्त्री रेशम जुग्जाली, प्रदेशसभाका सदस्यहरू हरि भण्डारी, विमला गौचन र नेपाल जेसीजका राष्ट्रिय अध्यक्ष विकास मानन्धर लगायत जेसीजका पदाधिकारीहरूले दोसल्ला र सम्मान–पत्रले उहाँहरूलाई सम्मान गर्नुभएको हो ।

प्रधानमन्त्री बालेन्द्र शाह (बालेन) नेतृत्वमा बनेको सरकारले पहिलो दिन गत बर्षको चैत १३ गते शासकीय सुधार सम्बन्धी १ सय कार्यसूची...
म्याग्दीको बेनी नगरपालिका-४,सिङ्गा तातोपानीस्थित तातोपानी कुण्ड यति बेला बिरामी र बिरामीका आफन्तको भीडले भरिएको छ । Advertisement स्वदेश तथा विदेशका...
बेनी नगरपालिका–७ मङ्गलाघाटमा सामुदायिक स्वास्थ्य केन्द्र सञ्चालन भएको छ । Advertisement आधारभूत स्वास्थ्य सेवाको पहुँच विस्तारका लागि बेनी नगरपालिकाले मङ्गलाघाटमा...