२०८१ असार १
June 14, 2024, Friday

अहिले नै ‘मिसन–८४’ को औचित्य छैन ः महामन्त्री शर्मा

नेपाली काँग्रेसका महामन्त्री विश्वप्रकाश शर्माले जनतालाई आश्वासन दिने बाहेक ‘मिसन-८४’ को औचित्य नभएको बताए । नेकपा (एमाले),राष्ट्रिय स्वतन्त्र पार्टी (रास्वपा)ले विभिन्न अभियानमार्फत २०८४ सालमा हुने संसदीय निर्वाचनलाई लक्षित गरेर कार्यक्रम घोषणा गर्नु राजनीतिक बेइमानी भएको बताए । 

Advertisement

नेपाली कांग्रेस म्याग्दीको जिल्ला सम्मेलनको आइतबार सदरमुकाम बेनीमा उद्घाटन गदैं महामन्त्री शर्माले एक बर्ष अगाडी निर्वाचनमा निर्वाचित सांसद भएका पार्टीले नै मिसन–८४ को घोषणा हतारको राजनीति भएको बताए ।

उनले सबै राजनीतिक दलहरू मिलेर अबको १५ वर्षमा देश बनाउने भिजन तयार गर्न आवश्यक रहेको बताए ।

 सम्मेलनलाई सम्बोधन गर्दे महामन्त्री शर्माले देश बनाउने चिन्ताभन्दा चुनाव कसरी जित्ने भन्नेमात्र सोँचको अन्त्य आवश्यक रहेको बताए ।

कांग्रेससँग देश बनाउन भिजन रहेकोसमेत शर्माले दाबी गरे। ‘ अब मिसन ८४ होइन, भिजन ९५ हुनुपर्छ, १५ वर्षभित्र देशलाई कस्तो बनाउने भनेर भिजन बनाउन कांग्रेस तयार छ’ महामन्त्री शर्माले भने ।

 उनले जाजरकोट र रुकुममा भूकम्पबाट ज्यान गुमाएका र भत्किएका संरचनाको पुर्ननिर्माण मिसन ८४ ले पूरा नगर्ने बताए । ‘अब देशभरी भूकम्पप्रतिरोधात्मक घर कसरी बनाउने, जनताको आवश्यकता पूरा गर्ने भन्ने चिन्ता हुनुपर्छ,‘ठूला र पूरै हुन नसक्ने आश्वासनकै कारण अहिले ब्यवस्थाप्रति नै प्रहार भइरहेको छ’ महामन्त्री शर्माले भने ।

उनले चुनाव एउटा नियमित प्रक्रिया भएकाले कांग्रेसलाई हरेक निर्वाचन हुनुभन्दा एकबर्ष अगाडी मात्रै चुनाव लाग्ने बताए । 

महामन्त्री शर्माले राष्ट्रपति एकपटक, प्रधानमन्त्री दुईपटक, मन्त्री तीनपटक र चारपटकसम्म मात्र सांसद बन्न पाउने व्यवस्थाका लागि अहिलेको आवश्यकता रहेको बताए ।कांग्रेसका केन्द्रदेखि गाउँ तहसम्मका नेता तथा कार्यकर्ताले बाटो बिराएको भन्ने चिन्ता बढिरहेको अवस्थामा कांग्रेसले नेतृत्व गरेको स्थानीय तहबाट जनताको आवश्यकता पूरा गर्न निरन्तर सक्रिय हुनुपर्ने बताए । 

उनले राष्ट्रियता र संसदीय व्यवस्थाको विपक्षमा कुनै पनि सम्झौता नगर्ने बताए। जिल्ला सम्मेलनमा जिल्लाका सबै ६ वटै स्थानीय तहका ४५ वडाका करिब सात सय पचास क्षेत्रीय प्रतिनिधिहरु सहित केन्द्रियस्तरका नेताहरुको उपस्थिती रहेको थियो । 

Related News

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०८० पुष २, सोमबार ०२:०१

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०८० पुष २, सोमबार ०२:०१

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

टोड्केबाट फर्किदै गरेको बोलेरो दुर्घटना हुँदा चालकको मृत्यु
टोड्केबाट फर्किदै गरेको बोलेरो दुर्घटना हुँदा चालकको मृत्यु
  • २०८० पुष २, सोमबार ०२:०१

म्याग्दीको पर्यटकीयस्थल टोड्केबाट बेनी नगरपालिका–१० वाखेतफर्त आउँदै गरेको ग १ ज ७१०६ नम्बरको बोलेरो जीप दुर्घटना हुँदा चालकको मृत्यु भएको...

TOP