२०८१ असार २
June 15, 2024, Saturday

जलजला अध्ययन प्रतिष्ठानको प्रथम अधिवेशन सम्पन्न

पर्वतको जलजला गाउँपालिकामा गठन भएको जलजला अध्ययन प्रतिष्ठानको प्रथम अधिवेशन विहिवार पर्वत बेनीमा सम्पन्न भएको छ । अधिवेशनले पुनः नरबहादुर कार्कीलाई सर्वसम्मत रुपमा कार्यसमितिको अध्यक्षमा चयन गरेको छ ।
यसैगरी प्रतिष्ठानको उपाध्यक्षमा हिराबहादुर जिसी,सचिव दुर्गा दर्जी,सहसचिव जिवन मल्ल,कोषाध्यक्ष सुनिता बरुवाल जिसी,सदस्यहरुमा क्रमशः बेदनाथ आचार्य,माधव आचार्य,अम्बिका परियार र मनरुपा बि.क सर्वसम्मत रुपमा चयन भएको सचिव दर्जीले जानकारी दिनुभयो

Advertisement

अधिवेशनको उद्घाटन प्रतिष्ठानका ज्येष्ठ सदस्य रामबहादुर बि.कले गर्नुभएको थियो । उहाँले अध्ययन प्रतिष्ठानले बामपन्थी विचार,दर्शन र सिद्धान्तका वारेमा समाजमा जनचेतना जगाउनुपर्नेमा जोड दिनुभयो । अधिवेशनमा नेकपा एमाले पर्वतका जिल्ला सचिवालय सदस्य लोकनाथ रेग्मी, जिल्ला सल्लाहकार डिलबहादुर बरुवाल,जलजला गाउँपालिका २ नम्बर वडाका वडाध्यक्ष प्रकाश जिसी,३ का एकिन्द्र खत्री,४ का भरत जिसी लगायतले नेकपा विभाजन भएसँगै अध्ययन प्रतिष्ठानले उद्देश्य र लक्ष्य अनुसार काम गर्न नसकेको बताउनुभयो ।

नेकपा विभाजन भएपनि अध्ययन प्रतिष्ठानलाई दुवै पार्टीले कम्युनिष्ट विचार र सिद्धान्तको प्रचारप्रसार गर्न र समाजमा जागरण ल्याउन उपयोग गर्नुपर्ने उहाँहरुको जोड थियो । तत्कालिन समयमा वडा नमम्बर ४ स्थित माथिल्लो सेराफाँटमा पार्टीको भवन बनाउन थालिएको थियो । पार्टी विभाजन भएसँगै भवन अलपत्र परेको प्रतिष्ठानका अध्यक्ष कार्कीले बताउनुभयो । अधिवेशनबाट निर्वाचित नयाँ समितिले भवन निर्माणलाई पूर्णता दिने उहाँको भनाई थियो ।

तत्कालिन समयमा नेकपा एमाले र नेकपा (माओवादी केन्द्र) एकता भएर गठन भएको नेपाल कम्युनिष्ट पार्टी (नेकपा) हुँदा जलजलामा पार्टीको विचार,सिद्धान्त, र कार्यक्रमहरुलाई जनतामा प्रचार गर्ने र पार्टीको कार्यालयलाई व्यवस्थित गर्न २०७४ मा जलजला अध्ययन प्रतिष्ठान गठन गरिएको थियो । अहिले पनि प्रतिष्ठानमा दुवै पार्टी समर्थकहरु सदस्यका रुपमा रहेका छन् ।
प्रतिष्ठानका अध्यक्ष कार्कीको अध्यक्षतामा सम्पन्न भएको अधिवेशनमा सदस्य हेमकुमारी अधिकारीको स्वागत र सचिव दर्जीले उद्घाटन कार्यक्रमको संचालन गर्नुभएको थियो ।

Related News

सडक आश्रित मानव उद्धारमा सक्रिय सामाजिक विकास कार्यालय म्याग्दी
सडक आश्रित मानव उद्धारमा सक्रिय सामाजिक विकास कार्यालय म्याग्दी
  • २०८० पुष १९, बिहीबार १६:००

म्याग्दीको सामाजिक विकास कार्यालय म्याग्दीले सडक आश्रित मानवको उद्धारमा सक्रिय भएको छ । बिहिबार पुनः एक भारतीय नागरिकको उद्धार गरेको...

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०८० पुष १९, बिहीबार १६:००

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०८० पुष १९, बिहीबार १६:००

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

TOP