मुदीमा दलित अधिकार र छुवाछुत सम्बन्धी अन्तरक्रिया कार्यक्रम

गण्डकीपत्र डटकम
प्रकाशित मिती: २०८१ बैशाख २८, शुक्रबार ०१:२३

म्याग्दीको धवलागिरी गाउँपालिका–४ मुदीमा दलित अधिकार र छुवाछुत सम्बन्धी एक दिने अन्त्तरक्रिया कार्यक्रम सम्पन्न भएको छ ।

म्याग्दी विकास युनेस्को केन्द्र म्याग्दीको आयोजना सामाजिक विकास कार्यालय म्याग्दीको आर्थिक सहयोगमा सामाजिक कुरिती एवम् दलित अधिकार र छुवाछुत न्यूनिकरण सम्बन्धी एक दिने अन्तरक्रिया कार्यक्रम सम्पन्न भएको छ ।

कार्यक्रममा गाउँपालिका अध्यक्ष प्रेस प्रसाद पुनले अझै पनि ग्रामिण भेगमा छुवाछुत रहको यसका लागि सचेतना फैलाउनु पर्ने बताउनुभयो । यस्ता कार्यका लागि पालिकाले पनि योजना भनाएर काम गरेको उहाँको भनाई थियो । त्यस्तै पालिका उपाध्यक्ष रेशम पुनले पालिका दलित समुदायको लागि लक्षित आयआर्जमा केन्द्रित भएको बताउनुभयो ।

कार्यक्रममा जिल्ला प्रहरी कार्यालय म्याग्दीका प्रहरी नायव निरिक्षक कुमार गुरुङले बालविवाह र छुवाछुत सम्बन्धी कानुन र अहिलेको अबस्थाका बारेमा सहजिकरण गर्नुभएको थियो । त्यस्तै दलित अगुवा याम किसानले दलितको हक अधिकारका बारेमा जानकारी दिनुभएको थियो ।

सामाजिक विकास कार्यालय म्याग्दीका कार्यालय प्रमुख रमेश थापा लगायतले बोल्नुभएको थियो ।
वडा अध्यक्ष याम बहादुर घर्तिको अध्यक्षता युनेस्को केन्द्रका अध्यक्ष निर्मल खत्रीको संचालन कार्यक्रम सम्पन्न भएको कार्यक्रममा ७५ जनाको सहभागिता रहेको थियो ।