पर्वतको ज्ञादी क्रिकेट क्लवले आयोजना गरेको प्रतियोगितामा बेनी क्रिकेट क्लव बिजय भएको छ । विजया दशमी तथा शुभदिपावलीको अवसरमा आयोजित प्रतियोगितामा बेनी क्रिकेट क्लवले धौलागिरी क्रिकेट क्लब, गैरीटोल क्रिकेट क्लव र सेमिफाइनलमा बागलुङ क्रिकेट क्लवलाई पराजित गरेको थियो ।
Advertisement
फाइनमा आयोजक ज्ञादी क्रिकेट क्लवलाई टस जितेर पहिला ब्याटिङ गरेको बेनीले निर्धारित १५ ओभरमा ४ विकेट गुमाएर १४६ रन बनाएको थियो । उक्त खेलमा अश्विनी रानाले ३७ बलमा ७० रन बनाउँदा ९ छक्का र १ चौका प्रहार गरेका थिए भने रितिक थापा मगरले २२ बलमा २४ रन बनाएको आयोजक टिमका सदस्य अशोक कार्कीले बताए ।
Advertisement
प्रतियोगिताका आयोजक ज्ञादीले १४७ रनको लक्ष्यसहित मैदानमा उत्रिएपनि राम्रो सुरुवात गर्न सकेन । ७० रनमै अल आउट हुदै आयोजक उपबिजेता भएको छ ।
प्रतियोगितामा टुर्नामेन्ट अफ सिरिज बेनी क्रिकेट क्लवका राना बनेका छन् । प्रतियोगितामा विजेता बेनी क्रिकेट क्लवले नगद ३० हजार सहित ट्रफी, मेडल र प्रमाणपत्र प्राप्त गरेको छ । पछिल्लो समय म्याग्दीका क्रिकेट प्रतियोगिता र अभ्यास नियमित हुन थालेपछि बाहिरी जिल्लामा हुने प्रतियोगितामा समेत म्याग्देली खेलाडीले राम्रो प्रर्दशन देखाइरहेका छन् ।
