Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८३ बैशाख १७
April 30, 2026, Thursday
पश्चिम म्याग्दीको मालिका गाउँपालिका-५ ठुलोढाटरमा ग २ च ४३९२ नम्बरको बोलेरो दुर्घटना हुँदा १ जनाको मृत्यु हुनुका साथै तीन जना घाइते भएका छन् । रुन्मा-दरवाङ सडक अन्तर्गत पर्ने सडकमा दरवाङदेखि रुन्मातर्फ जाँदै गरेको बोलेरो जिप ठुलोढाटरमा दुर्घटना हुँदा जिपमा सवार मालिका गाउपालिका-५ रुन्माका ४३ वर्षीया खनदेबी फगामीको मृत्यु भएको जिल्ला प्रहरी कार्यालय म्याग्दीका सूचना अधिकारी सागर पौडेलले बताउनुभयो ।
उहाँका अनुसार गाडीका चालक मालिका-५ का ४० वर्षका चन्द्र पुन, १४ वर्षकी श्रीजना घर्ती र ७३ वर्षका भविराज फगामी घाइते भएको उहाँले बताउनुभयो । बोलेरो जीप सडकबाट अनियन्त्रीत भएर करिब ४० मिटर तल खस्दा घाईते हुनुभएका चालक चन्द्र पुन, यात्रु भविराज फगामीलाई प्राथमिक उपचार केन्द्र दरबाङमा उपचारपछि थप उपचारका लागि पोखरा रिफर गरिएको जिल्ला प्रहरी कार्यालय म्याग्दीका सूचना अधिकारी प्रहरी निरिक्षक सागर पौडेलले बेनीअनलाइनलाई जानकारी दिनुभयो ।
जिपमा सवार यात्रु सृजना घर्तीको प्राथमिक उपचार केन्द्र दरबाङमा उपचार भइरहेको छ । घाईतेको शरीरका विभिन्न भागमा चोट लागेको छ । अबिरल बर्षासँगै ग्रामिण सडकमा यात्रा गर्दा जोखिम हुने भएकाले सर्तकता अपनाउन समेत अनुरोध गरिएको छ ।
प्रधानमन्त्री बालेन्द्र शाह (बालेन) नेतृत्वमा बनेको सरकारले पहिलो दिन गत बर्षको चैत १३ गते शासकीय सुधार सम्बन्धी १ सय कार्यसूची...
म्याग्दीको बेनी नगरपालिका-४,सिङ्गा तातोपानीस्थित तातोपानी कुण्ड यति बेला बिरामी र बिरामीका आफन्तको भीडले भरिएको छ । Advertisement स्वदेश तथा विदेशका...
बेनी नगरपालिका–७ मङ्गलाघाटमा सामुदायिक स्वास्थ्य केन्द्र सञ्चालन भएको छ । Advertisement आधारभूत स्वास्थ्य सेवाको पहुँच विस्तारका लागि बेनी नगरपालिकाले मङ्गलाघाटमा...
