विद्यार्थीलाई हुलाकको महत्व बुझाउदै जिल्ला हुलाक म्याग्दी

गण्डकीपत्र डटकम
प्रकाशित मिती: २०८२ आश्विन २२, बुधबार १५:४०

१५१ औँ विश्व हुलाक दिवसको अवसर पारेर जिल्ला हुलाक कार्यालय म्याग्दीले विद्यार्थीहरुलाई हुलाकको महत्वका बारेमा अन्तरक्रिया कार्यक्रम गरेको छ ।

बेनीमा संचालनमा रहेको लिटल गार्डेन एकेडेमीका विद्यार्थीहरु संग हुलाकको महत्व हुलाकले गर्ने काम कारबाही र अहिलेको प्रविधिको युगमा हुलाकको महत्वका बारेमा विद्यार्थी र हुलाकका कर्मचारी बिच अन्तरक्रिया (प्रश्नत्तोर) कार्यक्रम सम्पन्न भएको हो ।

हुलाकले गर्ने काम यसले कसरी चिठ्ठीपत्रलाई आम नागरिक समक्ष पुराउछ र यसको विश्वसनियता कस्तो भन्ने बारेमा कार्यालयका मिन बहादुर बरुवालले सहजिकरण गर्नुभएको थियो । हुलाकले कसरी डाँक सेवा प्रदान गरेको र यसको प्रक्रिया के हुन्छ भन्ने बारेमा विद्यार्थीहरुलाई डाँक शाखाकी सम्झना भण्डारीले सहजिकरण गर्नुभएको थियो ।

अहिलेको जेएजी पुस्ताहरुलाई हुलाकको बारेमा जानकारी दिने उदेश्यले कार्यक्रमको आयोजना गरिएको कार्यलय प्रमुख रमेश थापाले बताउनुभयो । उहाँले अहिलेको युवाहरु प्रविधि संग नजिक छन् तर उनीहरुलाई परम्परागत सूचना प्रवाहको बारेमा जानकारी छैन यसले दुई पुस्ता विचको ठूलो भिन्नता नहोस भनेर विद्यार्थीहरु संग अन्तरक्रिया गरिएको थापाको भनाई छ ।
कार्यक्रममा करिब २५ जना विद्यार्थीहरुको सहभागीता रहेको थियो । कार्यालय दिवसको अवसरमा तिन दिन सम्म विभिन्न कार्यक्रम गरेर दिवस मनाउ लागेको हो । अक्टोवर ९ तारिकको दिन विश्व हुलाक दिवस मनाउने गरिएको छ ।