Gandaki Patra | » गठबन्धनको जीत आर्थिक समृद्धि र संविधानको संरक्षणका लागि फलदायी

गठबन्धनको जीत आर्थिक समृद्धि र संविधानको संरक्षणका लागि फलदायी – उम्मेदवार सिंह

शिखर समाचार
प्रकाशित मिती: २०७९ कार्तिक २१, सोमबार १७:२६

डोटी- नेपाली काँग्रेस डोटीका सभापति तथा प्रदेश सभा ‘क’ का उम्मेदवार नरेन्द्र बहादुर सिंहले गठबन्धनको जीत संविधानको संरक्षण र मुलुकको आर्थिक समृद्धिका लागि फलदायी हुने बताए ।

सोमवार दिपायल सिलगढी नगरपालिकाको लडागडा लगायतका ठाउँमा लोकतान्त्रिक बाम गठबन्धनको संयुक्त चुनावी सभा कार्यक्रममा बोल्दै यस्तो बताएका हुन् ।

प्रदेश सभा ‘क’ का उम्मेदवार सिंहले संविधान संशोधनमार्फत जनताका हक अधिकारलाई स्थापित गर्न र अधुरा विकास योजनाहरूलाई सम्पन्न गर्न तथा रोजगारी सृजना हुने ठुला विकास योजना सञ्चालन गर्न गठबन्धन दलका उम्मेदवारलाई विजयी गराउन आग्रह गरे ।

सभापति सिंहले ७० वर्षको नेपाली जनताको सङ्घर्षपछि जारी गरिएको संघीय लोकतान्त्रिक गणतन्त्रको रक्षाका लागि पनि मतदाताले गठबन्धन दलका उम्मेदवारलाई विजयी गराउनुपर्ने बताए ।

उनले भने, ‘संविधानको रक्षा गर्न, शान्ति प्रक्रियाका बाँकी कामहरू पूरा गर्न र अधुरा विकास योजनालाई पूर्णता दिँदै विकासको द्रुत रूपमा विकासका लागि सिंहले भने।’

मंसिर ४ को निर्वाचन जीतेपछि यहाँको समग्र विकास, संविधानको रक्षा, समुदायको अधिकार स्थापित गर्ने वाचा गरे ।

आफूले पार्टीबाट ३४ वर्ष पछि टिकट पाएको स्मरण गराउँदै जनताको भावना अनुरूप काम गरेर नयाँपन दिलाउने प्रतिबद्धता व्यक्त गरे ।

कार्यक्रममा नेपाली काँग्रेसबाट प्रतिनिधि सभा समानुपातिक उम्मेदवार प्रशिस महरा,प्रदेश समानुपातिक उम्मेदवार कुमार सीँ टेलर , नेकपा माओवादी केन्द्रबाट समानुपातिक उम्मेदवार गीता शोप नेपाली, पूर्णराज जोशी लगायत लोकतान्त्रिक वाम गठबन्धनका नेता कार्यकर्ताहरूको उपस्थिति रहेको थियो ।