भूकम्पले पु-याएको क्षतिप्रति बलायरद्वारा दुःख व्यक्त, उद्धार र राहतमा जुट्न आग्रह

शिखर समाचार
प्रकाशित मिती: २०७९ कार्तिक २३, बुधबार १०:२२

कैलाली – नेपाली कांग्रेस सुदूरपश्चिम प्रदेश सभापति वीर बहादुर बलायरले डोटीको पूर्वीचौकीमा भूकम्पले पु-याएको क्षति प्रति दुःख व्यक्त गरेका छन् । चुनावी अभियानका क्रममा कैलालीमा रहेका बलायरले अप्रिय घटानप्रती दुःख व्यक्त गरेका हुन् ।

सभापति बलायरले भूकम्पबाट भएको जन, धन र भौतिक क्षतिले आफूलाई अत्यन्त दुःखी बनाएको जनाउँदै घटनामा ज्यान गुमाउने प्रति श्रद्धाञ्जली व्यक्त गरेका छन् । घाइतेको स्वास्थ्य लाभको कामना गर्दै उनले डोटीमा रहेका नेपाली कांग्रेसका नेता तथा कार्यकर्ताहरुलाई भूकम्प पीडितको उद्धार, स्वास्थ्य उपचार, राहत र पुनःस्थापना कार्यमा जुट्न आग्रह गरेका छन् ।

योसँगै बलायरले भूकम्प पीडित जनता, ज्यान गुमाउने परिवारका सदस्यहरूलाई तत्काल राहतको बन्दोबस्त गर्न र घाइतेहरुको उपचारमा सहयोग गर्न तीनै तहका सरकारसँग अनुरोध गरेका छन् ।